இலங்கையில் பேருந்து விபத்துக்கள் காரணமாக இலங்கை போக்குவரத்து சபைக்கு வருடாந்தம் தொண்ணூறு மில்லியன் ரூபா நட்டம் ஏற்படுவதாக இலங்கை போக்குவரத்து சபையின் விபத்து விசாரணை முகாமையாளர் எரந்த பெரேரா தெரிவித்துள்ளார்.
வருடாந்தம் இலங்கை போக்குவரத்து சபைக்கு சொந்தமான சுமார் 1500 பஸ்கள் பல்வேறு விபத்துக்களில் சிக்குவதாகவும் அவற்றில் 60 முதல் 70 வரையிலான விபத்துக்களில் உயிரிழப்புகள் பதிவாகியுள்ளதாக அவர் குறிப்பிட்டுள்ளார்.
இவ்வாறான விபத்துக்குள்ளாகும் பஸ்களை இயக்குவதற்கு ஏற்ற கால அவகாசம் அதிகமாவதுடன், அதன் போது ஏற்படும் வருமானமும் கணக்கில் கொள்ளப்படுவதனால் இலங்கை போக்குவரத்து சபைக்கு வருடாந்தம் பல பில்லியன் ரூபா நஷ்டம் ஏற்படும் என அவர் சுட்டிக்காட்டியுள்ளார்.
இதுபோன்ற விபத்துகளை குறைக்கும் வகையில், ஓட்டுனர்களுக்கு, பாதுகாப்பான வாகனம் ஓட்டுவதற்கான தொழில்நுட்ப முறைகளுடன் கூடிய பயிற்சி வகுப்பு ஏற்கனவே ஆரம்பிக்கப்பட்டு, முந்நூறு ஓட்டுனர்களுக்கு பயிற்சி அளிக்கப்பட்டு, சாலை விபத்துகளை குறைக்க முடிந்துள்ளதாக குறிப்பிட்டுள்ளார
