இத்தாலிய வீரரான ஜொனிக் சின்னரை தோற்கடித்து ஏழாவது முறையாக ஏடிபி பைனல்ஸ் பட்டத்தை வென்று நோவக் ஜோகோவிச் சாதனை படைத்துள்ளார்.
குரூப் ஸ்டேஜில் அவரிடம் தோல்வியை தழுவிருந்தாலும் நேற்று இத்தாலியின் டுரின் நகரில் நடைபெற்ற இறுதி போட்டியில் 6-3, 6-3 என்ற செட் கணக்கில் வீழ்த்தி நோவக் ஜோகோவிச் வெற்றிபெற்றார்.
மேலும் குறித்த தொடர் தனது வாழ்நாளில் தான் எதிர்கொண்ட முக்கிய தொடர்களின் ஒன்று என செர்பிய வீரர் நோவக் ஜோகோவிச் தெரிவித்துள்ளார்.
2008, 2010-11, 2014-15 மற்றும் 2022-23ல் சாம்பியன் பட்டம் வென்ற நோவக் ஜோகோவிச்சிற்கு இது 7 ஆவது ஏடிபி பைனல்ஸ் பட்டமாகும்.
இதேவேளை அடுத்த ஆண்டு இடம்பெறவுள்ள போட்டிகள் தனது இலக்கு என்றும் நான்கு கிராண்ட்ஸ்லாம்கள் மற்றும் ஒரு ஒலிம்பிக் தங்கம் வெல்ல முடியும் என்கிற நம்பிக்கை உள்ளது என்றும் கூறியுள்ளார்.
