சத்யஜோதி பிலிம்ஸ் தயாரிப்பில் தனுஷ், ப்ரியங்கா மோகன், சந்தீப் கிஷன், நிவேதா சதீஷ், மூர், ஜான் கோக்கன் உள்ளிட்டவர்கள் நடித்திருக்கும் படம் கேப்டன் மில்லர். ஜீ.வி.பிரகாஷ் கேப்டன் மில்லருக்கு இசையமைத்துள்ளார். டிசம்பர் 15 ஆம் திகதி படம் திரைக்கு வரும் என்று அறிவிக்கப்பட்டு படத்தின் பர்ஸ்ட் லுக், டீசர் வெளியிட்டனர். இரண்டுக்கும் ரசிகர்களிடையே அமோக வரவேற்பு கிடைத்தது.
இந்நிலையில், படம் 2024 பொங்கலுக்கு வெளியாகும் என்று அறிவித்தனர். ரஜினியின் லால் சலாம், சிவகார்த்திகேயனின் அயலான், சுந்தர் சி.யின் அரண்மனை 4 என ஏற்கனவே மூன்று படங்கள் பொங்கலுக்கு வெளியாவதாக அறிவிக்கப்பட்ட நிலையில், கேப்டன் மில்லர் வெளியீட்டை பொங்கலுக்கு தள்ளி வைத்தது ஆச்சரியத்தை ஏற்படுத்தியது.
சமீபத்தில் ஜீ.வி.பிரகாஷ் தனது எக்ஸ் தளத்தில், ‘இந்த வறண்ட மண்ணும் குருதி குடிக்கும், புழுவுக்கெல்லாம் விருந்து படைக்கும் நான்தான்டா நீதி… நான்தான்டா நீதி…’ என்ற கேப்டன் மில்லர் படத்தின் பாடல்வரிகளை குறிப்பிட்டிருந்தார். பாடலை தனுஷ் பாடியிருப்பதாகவும் தெரிவித்திருந்தார். பர்ஸ்ட் சிங்கிளாக இந்தப் பாடல் வெளியாகும் என்று எதிர்பார்த்திருந்த நிலையில், கேப்டன் மில்லரின் முதல் பாடல் கில்லர் கில்லர் நேற்று வெளியாகியுள்ளது.
