மத்திய பிரதேசத்தில், திருமண ஊர்வலத்தில் கலந்து கொண்டவர்கள் மீது எதிர்பாராத விதமாக லொறியொன்று மோதியதில் 6 பேர் உயிரிழந்துள்ளனர்.
ரெய்சன் மாவட்டத்தில் கமரியா என்ற கிராமத்திலேயே நேற்று மாலை இச்சம்பவம் இடம்பெற்றுள்ளது.
சம்பவ தினத்தன்று போபால் நகரில் இருந்து ஜபல்பூர் செல்லும் வீதி வழியாக குறித்த திருமண ஊர்வலம் சென்றுகொண்டிருந்ததாகவும், இதன் போது எதிர்பாராத விதமாக வேகக் கட்டுப்பாட்டை இழந்த லொறியொன்று ஊர்வலத்தில் கலந்துகொண்டவர்கள் மீது மோதியதாகவும் கூறப்படுகின்றது.
இவ்விபத்தில் 6 பேர் உயிரிழந்துள்ளனர் எனவும் 12 பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர் எனவும் தெரிவிக்கப்பட்டுள்ளது.
இந்நிலையில் இது குறித்த மேலதிக விசாரணைகளைப் பொலிஸார் முன்னெடுத்து வருகின்றனர்.
