‘உரித்து’ வேலைத்திட்டத்தின் கீழ், அரச காணிகளுக்கு உரிமையுடன் கூடிய அறுதி உரித்தை வழங்குவதற்கும், ஒரு மில்லியன் இளம் தொழில்முயற்சியாளர்களை உருவாக்கும் வேலைத்திட்டமொன்றை நடைமுறைப்படுத்தவும் அமைச்சரவை அங்கீகாரம் வழங்கியுள்ளது.
சுற்றுலா மற்றும் காணி அமைச்சர் ஹரின் பெர்ணான்டோ சமர்ப்பித்த யோசனைக்கமைய இந்த தீர்மானம் எடுக்கப்பட்டுள்ளது.
அதன்படி, ‘உரித்து’ வேலைத்திட்டத்தின் கீழ் 2024 ஆம் ஆண்டில், பத்திரதாரர்கள் மற்றும் கையளிப்புப் பத்திரதாரர்களுக்கு அரச காணிகளில் அறுதி உரித்தை வழங்குவதற்குத் திட்டமிடப்பட்டுள்ளது.
தற்போது இரண்டு மில்லியன் குடும்பங்களுக்கு அவர்கள் வசிக்கும் காணிகளுக்கான பத்திரங்கள் வழங்கப்பட்டுள்ளன.
மேலும், நாடளாவிய ரீதியில் ஒரு மில்லியன் இளம் தொழில்முயற்சியாளர்களை உருவாக்கும் வேலைத்திட்டமொன்றை நடைமுறைப்படுத்தவும் திட்டமிடப்பட்டுள்ளது.
குறித்த இரண்டு வேலைத்திட்டங்களையும் நடைமுறைப்படுத்துவதற்குத் தேவையான தகவல்களை பெற 14,022 கிராம உத்தியோகத்தர் பிரிவுகளின் ஊடாக, தேசிய இளைஞர் சேவைகள் மன்றத்தின் இளைஞர் படையணியை ஈடுபடுத்தி தகவல்களை சேகரிப்பதற்கு எதிர்பார்க்கப்படுகின்றது.
அதற்கிணங்க, பிரதேச செயலகப் பிரிவு மட்டத்தில் காணப்படுகின்ற பொறிமுறையைப் பயன்படுத்தி தேவையான தகவல்களை சேகரித்து ‘உரித்து’வேலைத்திட்டம் மற்றும் ஒரு மில்லியன் இளம் தொழில்முயற்சியாளர்களை உருவாக்கும் வேலைத்திட்டத்தைத் துரிதமாக மேற்கொள்வதற்கு அமைச்சரவை அங்கீகாரம் வழங்கியுள்ளது.
இன்றைய (19) அமைச்சரை கூட்டத்தின் போதே இந்தத் தீர்மானம் எடுக்கப்பட்டுள்ளமை குறிப்பிடத்தக்கது.
