ரஷ்யாவின் தென்பகுதி விமானத் தளம் மீது உக்ரைன் மேற்கொண்ட பாரிய ஆளில்லா விமானத் தாக்குதலில் ரஷ்யாவின் ஆறு போர் விமானங்கள் அழிக்கப்பட்டுள்ளதாக உக்ரைனின் பாதுகாப்பு வட்டாரங்கள் தெரிவித்துள்ளன.
மேலும் 8 விமானங்கள் சேதமடைந்துள்ளதாகவும் குறிப்பிடப்படுகின்றது.
உக்ரைனின் கார்கிவ் நகர் மீது ரஷ்யா நடத்திய ஆளில்லா விமான தாக்குதலில் இதுவரை 6 பேர் உயிரிழந்துள்ளதுடன் சுமார் 10 பேர் படுகாயமடைந்துள்ளனர்.
இதனையடுத்தே உக்ரைன் இன்று(6) குறித்த தாக்குதலை நடத்தியுள்ளது.
இத் தாக்குதலில் 20க்கும் மேற்பட்ட ரஷ்ய படையினர் காயமடைந்திருக்கலாம் அல்லது உயிரிழந்திருக்கலாம் எனவும் உக்ரைனின் பாதுகாப்பு வட்டாரங்கள் தெரிவித்துள்ளன.
உக்ரைன் போர்முனையில் பயன்படுத்தப்படும் எஸ்யு27- 34 விமானங்களின் மொரெஜொவ்ஸ்க் தளத்தின் மீதே இஸ்ரேல் ஆளில்லா விமானதாக்குதலை மேற்கொண்டுள்ளது.
உக்ரைனின் இத் தாக்குதல் குறித்து ரஷ்யா இதுவரை உத்தியோகப்பூர்வமாக எதனையும் அறிவிக்கவில்லை.
எனினும் உக்ரைனின் 40 ஆளில்லா விமானங்கள் இலக்குவைக்கப்பட்டுள்ளதாக ரஷ்யா தெரிவித்துள்ளது.
இந்நிலையில், உக்ரைன் 40க்கும் மேற்பட்ட ஆளில்லா விமானங்களை பயன்படுத்தியதால் ரஷ்யாவின் வான்வெளி பாதுகாப்பு பொறிமுறை செயற்பட முடியாத நிலை ஏற்படும் என பாதுகாப்பு ஆய்வாளர்கள் தெரிவித்துள்ளமை குறிப்பிடத்தக்கது.
