இந்தியாவில் மக்களவைத் தேர்தல் 7 கட்டங்களாக நடைபெற்றுவரும் நிலையில் முதல் இரண்டு தேர்தல்கள் நிறைவடைந்துள்ளதுடன், நாளை மூன்றாம் கட்ட தேர்தல் நடைபெறவுள்ளது.
அதன்படி, மூன்றாம் கட்ட வாக்குப்பதிவு நடைபெறும் 93 தொகுதிகளிலும் நேற்றுடன் பிரசார நடவடிக்கைகள் முடிவுக்கு வந்துள்ளது.
குஜராத், மகாராஷ்டிரா, கர்நாடகா உட்பட 11 மாநிலங்களில் நாளை வாக்குப்பதிவுகள் இடம்பெநலுள்ளது.
இதில் குஜராத்தில் உள்ள 26 தொகுதிகளுக்கும் ஒரே கட்டமாக வாக்குப்பதிவு நடைபெறவுள்ளது.
குஜராத் மாநிலத்தில் சூரத் தொகுதியில் எதிர்த்து போட்டியிட்ட அனைத்து வேட்பாளர்களும் வாபஸ் பெற்றதால், பாஜக வேட்பாளர் வெற்றி பெற்றுள்ளதுடன், மீதமுள்ள 25 தொகுதிகளில் வாக்குப்பதிவு நடைபெறவுள்ளமை குறிப்பிடத்தக்கது.
