சென்னை சூப்பர் கிங்ஸ் அணியின் முன்னாள் தலைவர் எம்.எஸ்.தோனி ஐ.பி.எல். போட்டிகளில் 150 பிடியெடுப்புகளை எடுத்த முதல் வீரர் என்ற பெருமையை பெற்றுள்ளார்.
சென்னை மற்றும் பஞ்சாப் அணிகள் மோதியப் போட்டி தர்மசாலாவில் நேற்று இடம்பெற்றிருந்தது.
இந்த போட்டியில் சென்னை அணி 29 ஓட்டங்களால் வெற்றிபெற்றிருந்தது.
இந்தப் போட்டிக்கு முன்பு 149 பிடியெடுப்புகளை தோனி எடுத்திருந்த நிலையில், நேற்றையப் போட்டியில் அவர் 150வது பிடியெடுப்பை எடுத்திருந்தார்.
இந்தப் பட்டியலில் 144 பிடியெடுப்புகளுடன் ரோயல் சேலஞ்சர்ஸ் பெங்களூரு அணியின் விக்கெட் காப்பாளர் தினேஷ் கார்த்திக் இரண்டாம் இடத்தில் உள்ளார்.
ஆர்.சி.பி. அணியின் முன்னாள் வீரர் ஏபிடி வில்லியர்ஸ் 118 பிடியெடுப்புகளுடன் மூன்றாம் இடத்திலும், விராட் கோலி 113 பிடியெடுப்புகளுடன் நான்காம் இடத்திலும் உள்ளனர்.
சென்னை அணியின் முன்னாள் வீரர் சுரேஸ் ரெய்னா 109 பிடியெடுப்புகளுடன் ஐந்தாம் இடத்தில் உள்ளார்.
