வீரக்கெட்டிய பகுதியில் இடம்பெற்ற இசைநிகழ்ச்சியில் ஏற்பட்ட மோதலில் ஒருவர் உயிரிழந்துள்ளதுடன் மேலும் ஐவர் காயமடைந்துள்ளனர்
வீரகெட்டிய மொரயாய பிரதேசத்தில் இடம்பெற்ற இசை நிகழ்ச்சியின் போது இரு தரப்பினருக்கு இடையில் ஏற்பட்ட மோதலில் நேற்று இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்
இசை நிகழ்ச்சியின் போது இருதரப்பினருக்கிடையில் தகராறு ஏற்பட்டதில் சம்பவத்தில் கூரிய ஆயுதத்தால் தாக்குதலுக்குள்ளாகியுள்ளார்
இதன்போது காயமடைந்த குறித்த நபர் சிகிச்சைகளுக்காக, வீரகெட்டிய வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.
சம்பவத்தில் திம்புல்கொட பகுதியைச் சேர்ந்த 31 வயதுடைய இளைஞர் ஒருவர் உயிரிழந்துள்ளதாக பொலிஸார் தெரிவித்தனர்.
அத்துடன் தாக்குதலில் காயமடைந்துள்ள மேலும் ஐவர் சிகிச்சைகளுக்காக தங்காலை மற்றும் அம்பிலிப்பிட்டிய வைத்தியசாலைகளில் அனுமதிக்கப்பட்டுள்ளனர்
இதேவேளை காயமடைந்துள்ளவர்களின் நிலை கவலைக்கிடமாக இல்லையென வைத்தியசாலை தகவல்கள் தெரிவிக்கின்றன.
இதனிடையே தாக்குதலை மேற்கொண்ட சந்தேக நபர் கொலைக்கு பயன்படுத்திய ஆயுதத்துடன் கைது செய்யப்பட்டுள்ளதுடன் பொலிஸார் மேலதிக விசாரணைகளை முன்னெடுத்துள்ளனர்
