சர்வதேச கடல் எல்லையினை மீறி மீன்பிடி நடவடிக்கையில் ஈடுபட்ட குற்றச்சாட்டில் கைது செய்யப்பட்டு விளக்கமறியலில் வைக்கப்பட்டிருந்த இலங்கை மீனவர்கள் 7 பேர் விடுதலை செய்யப்பட்டுள்ளனர்
ராமநாதபுரம் நீதிமன்றம் இந்த உத்தரவை பிறப்பித்துள்ளது
சர்வதேச கடல் எல்லையினை மீறி மீன்பிடி நடவடிக்கையில் ஈடுபட்ட குற்றச்சாட்டில் கடந்த மே மாதம் 18 ஆம் திகதி இந்திய கடலோர காவல் படையினரால் இலங்கை மீனவர்கள் 7 பேர் கைது செய்யப்பட்டதுடன் அவர்கள் பயணித்த படகொன்றும் பறிமுதல் செய்யப்பட்டது.
இதனையடுத்து கைது செய்யப்பட்ட மீனவர்கள் மேலதிக விசாரணை நிமித்தம் தூத்துக்குடி மாவட்டம் தருவைகுளம் கரையோர போலீசார் ஒப்படைக்கப்பட்டனர்
மேலும் இதன்போது குறித்த மீனவர்கள் நீதிமன்றில் முன்னிலைப்படுத்தப்பட்டு சென்னை புழல் சிறையில் தடுத்துவைக்கப்பட்டிருந்தனர்
இந்த நிலையில் குறித்த வழக்கு ராமநாதபுரம் தலைமை குற்றவியல் நீதிமன்ற நீதிபதி மோகன் ராம் முன்னிலையில் நேற்று விசாரணைக்கு எடுத்துக்கொள்ளப்பட்டது.
இதன்போது மத்திய அரசாங்கத்தின் உத்தரவின் பிரகாரம் இலங்கை மீனவர்கள் ஏழு பேரைவிடுவித்து நீதவான் உத்தரவிட்டார்.
இதேவேளை விடுதலை செய்யப்பட்ட மீனவர்கள் 7 பேர் விரைவில் நாட்டிற்கு அனுப்பிவைக்கப்படுவார்கள் எனவும் தெரிவிக்கப்பட்டுள்ளது
