யாழ்ப்பாணம், நல்லூர் ஆலய வளாகத்தில் ஸ்தாபிக்கப்பட்டுள்ள ஆதவன் தொலைக்காட்சியின் விசேட கலையகத்தில்
விசேட கலை கலாசார நிகழ்வுகள் நேற்று இடம் பெற்றிருந்தன.
இதனைப் பார்வையிட பெருமளவான மக்கள் கலந்து கொண்டிருந்தமை விசேட அம்சமாகும்.
நல்லூர் கந்தசாமி ஆலயத்தின் வருடாந்த மகோற்சவ பெருவிழா தொடர்ச்சியாக இடம்பெற்று வரும் நிலையில் இன்று மாம்பழத் திருவிழா பூஜை வழிபாடுகள் இடம் பெற்றிருந்தன.
இதனைப் பார்வையிட நாளாக ரீதியாக இருந்து மட்டுமின்றி வெளிநாடுகளில் இருந்தும் பல்லாயிரக்கணக்கான பக்தர்கள்
ஆலயத்திற்கு வருகை தந்திருந்ததோடு தங்களது நேர்த்திக் கடன்களையும் செலுத்தி இருந்தனர்.
அதே நேரம் நல்லூர் மகோத்சவத்தை முன்னிட்டு நல்லூர் ஆலய பின் வீதியிலே ஸ்தாபிக்கப்பட்டுள்ள ஆதவன் தொலைக்காட்சியில் விசேட கலையகத்தில் நேற்றைய தினமும் பல்வேறு கலை கலாசார நிகழ்வுகள் இடம் பெற்றன.
கர்நாடக இசைக் கச்சேரி, மேடை நாடகம் உள்ளிட்ட பல்வேறு நிகழ்வுகள் இடம் பெற்றிருந்தன.
இதனைப் பார்வையிட நூற்றுக்கணக்கான மக்களும் எமது கலையகத்துக்கு வருகை தந்திருந்தனர்.
வருகை தந்திருந்த மக்கள் நிகழ்வுகளை கண்டு களித்ததோடு எமது அனுசரணையாளர்களால் நடத்தப்பட்ட போட்டிகளிலும் பங்கு பற்றி பெறுமதி மிக்க பரிசில்களை வெற்றி பெற்றிருந்தமை விசேட அம்சமாகும்.
நல்லூர் கந்தசாமி ஆலயத்தின் 21 ஆம் நாள் பூஜை வழிபாடுகள் ஆதவன் தொலைக்காட்சி வாயிலாக நேரடியாக இன்று பிற்பகல் நான்கு மணி முதல் ஒளிபரப்பு செய்யப்பட உள்ளன.
எனவே பக்தர்கள் அனைவரும் தொடர்ச்சியாக ஆதவனோடு இணைந்திருங்கள்.
