கண்ணாடி துண்டுகள் வெட்டிய காயத்திற்கு உரிய சிகிச்சை பெறாமையால் , கிருமி தொற்றுக்கு இலக்காகி பெண்ணொருவர் உயிரிழந்துள்ளார்.
குறித்த சம்பவத்தில், யாழ்ப்பாணம் கொழும்புத்துறையை சேர்ந்த தயாரூபன் உதயகுமாரி (வயது 50) எனும் பெண்ணே உயிரிழந்துள்ளார்.
கடந்த ஒரு மாதத்திற்கு முன்னர் குறித்த பெண்ணுக்கு காலில் கண்ணாடி துண்டுகள் வெட்டியதால் ஏற்பட்ட காயத்திற்கு, உரிய சிகிச்சை பெறாதமையால் காலில் வீக்கம் ஏற்பட்ட நிலையில், அதற்கு தனியார் மருத்துவ மனை ஒன்றில் சிகிச்சை பெற்றுள்ளார்.
தொடர்ந்தும் காயம் குணமாகதாதல் கடந்த 03ஆம் திகதி யாழ் , போதனா வைத்தியசாலையில் சிகிச்சைக்காக அனுமதிக்கப்பட்டார். அங்கு சிகிச்சை பெற்று வந்த நிலையில் , நேற்றைய தினம் குறித்த பெண் சிகிச்சை பலனின்றி உயிரிழந்துள்ளார்.
இதேவேளை, கிருமி தொற்று ஏற்பட்டமையால் , மாரடைப்பு ஏற்பட்டு , மரணம் சம்பவித்துள்ளதாக உடற்கூற்று பரிசோதனையில் தெரிவிக்கப்பட்டுள்ளமை குறிப்பிடத்தக்கது.
