ஜனாதிபதி தேர்தலில் ரணில்விக்ரமசிங்கவுக்கு ஆதரவு வழங்கிய தரப்பினர் நடைபெறவுள்ள பொதுத்தேர்தலில் ஒரே கூட்டணியின் கீழ் போட்டியிடவுள்ளதாக தெரிவிக்கப்பட்டுள்ளது
இந்த விடயம் தொடர்பாக இன்று தீர்மானமிக்க கலந்துரையாடல் ஒன்று இடம்பெறவுள்ளதாக தெரிவிக்கப்பட்டுள்ளது
இதன்படி ஐக்கிய தேசியக்கட்சியின் பிரதிநிதிகளுக்கும் முன்னாள் ஜனாதிபதி ரணில் விக்ரமசிங்கவுக்கும் இடையில் இன்று விசேட கலந்துரையாடல் ஒன்று இடம்பெறவுள்ளது.
இதனிடையே கடந்த ஜனாதிபதி தேர்தலில் ரணில்விக்ரமசிங்கவுக்கு ஆதரவு வழங்கிய ஸ்ரீலங்கா பொதுஜன பெரமுனவை பிரதிநிதித்துவப்படுத்தும் முன்னாள் நாடாளுமன்ற உறுப்பினர்களுக்கிடையில் இன்று கலந்துரையாடல் ஒன்று இடம்பெறவுள்ளது.
நாடாளுமன்ற தேர்தலில் போட்டியிடும் விதம் தொடர்பாக இதன்போது கலந்துரையாடப்படவுள்ளதாக தெரிவிக்கப்பட்டுள்ளது.
இதேவேளை கடந்த ஜனாதிபதி தேர்தலில் ரணில்விக்ரமசவிங்கவுக்கு ஆதரவு வழங்கிய குழுவின் விசேட கலந்துரையாடல் ஒன்று கொழும்பில் நேற்று இடம்பெற்றிருந்தமை குறிப்பிடத்தக்கது.
