ஃபிஃபாவின் ஒழுங்குமுறைக் குழு, இஸ்ரேல் கால்பந்து சங்கத்துக்கு எதிரான சர்வதேச கால்பந்து சங்க விதி மீறல் குற்றச்சாட்டு தொடர்பான விசாரணைக்கு உத்தரவிட்டுள்ளது.
பாலஸ்தீனிய கால்பந்து சங்கம் (PFA)) காசாவில் நடந்த போரின் காரணமாக இஸ்ரேலை சர்வதேச கால்பந்தில் இருந்து இடைநிறுத்துவதற்கான ஒரு திட்டத்தை மே மாதம் சமர்ப்பித்தது.
இஸ்ரேலின் கால்பந்து சங்கம் “ஃபிஃபா விதிமுறைகளை மீறியுள்ளது” என்று பாலஸ்தீனிய கால்பந்து சங்கம் குற்றம் சாட்டியுள்ளது மற்றும் இஸ்ரேலின் தேசிய அணிகள் மற்றும் கழகங்களுக்கு எதிராக பொருளாதாரத் தடைகளுக்கும் அழைப்பு விடுத்துள்ளது.
எவ்வாறெனினும், பாலஸ்தீன கால்பந்து சங்கம் எழுப்பிய பாரபட்சமான குற்றச்சாட்டு தொடர்பான விசாரணையைத் தொடங்க தமது ஒழுங்கு முறைக் குழு கட்டாயப்படுத்தப்படும் என்று ஃபிஃபா வியாழன் (03) அன்று தெரிவித்துள்ளது.
ஃபிஃபா இஸ்ரேலிய கால்பந்து கூட்டமைப்பை இடைநீக்கம் செய்வதை நிறுத்தியது, ஆனால் பாலஸ்தீனிய கால்பந்து அதிகாரிகளால் கூறப்படும் சாத்தியமான பாகுபாடு குறித்து ஒழுங்குமுறை விசாரணைக்கு உத்தரவிட்டுள்ளது.
