கேன் வில்லியம்சன் இடுப்பு வலியில் இருந்து மீண்டு வருவதால், எதிர்வரும் ஒக்டோபர் 24 ஆம் திகதி புனேவில் தொடங்கும் இந்தியாவுக்கு எதிரான இரண்டாவது டெஸ்ட் போட்டியில் விளையாட மாட்டார் என நிஸிலாந்து கிரிக்கெட் அறிவித்துள்ளது.
நியூஸிலாந்து அணியின் முன்னாள் தலைவர் வில்லியம்சன் கடந்த மாதம் இலங்கை சுற்றுப்பயணத்தின் போது காயம் அடைந்தார்.
இதனால், நியூசிலாந்து அணியுடன் அவர் இந்தியாவுக்கு பயணிக்கவில்லை.
வில்லியம்சன் இல்லாத காரணத்தினால் பெங்களூருவில் நடந்த இந்தியாவுடனான முதல் டெஸ்ட்டில் வில் யங் 3 ஆவது இடத்தில் துடுப்பெடுத்தாடினார்.
இந்த நிலையில் இந்தியாவுடனான மூன்றாவது டெஸ்ட் போட்டியில் வில்லியம்சன் விளையாடுவார் என்று எதிர்பார்ப்பதாக நியூசிலாந்து அணியின் பயிற்சியாளர் கேரி ஸ்டெட் கூறினார்.
