1960 களின் தொலைக்காட்சித் தொடரில் டார்சன் வேடத்தில் நடித்ததற்காக மிகவும் பிரபலமான அமெரிக்க நடிகர் ரான் எலி (Ron Ely) காலமானார்.
இறக்கும் போது அவருக்கு வயது 86 ஆகும்.
ரான் எலி, கடந்த செப்டெம்பர் 29 அன்று கலிபோர்னியாவின் சாண்டா பார்பராவில் அமைந்துள்ள அவரது வீட்டியில் உயிரிழந்துள்ளார்.
ரான் எலியின் மரணத்தை அவரது மகள் கிர்ஸ்டன் காசேல் எலி இன்ஸ்டாகிராமில் அறிவித்துள்ளார்.
அந்தப் பதிவில், உலகம் இதுவரை அறிந்திராத சிறந்த மனிதர்களில் ஒருவரை இழந்துவிட்டது – நான் என் அப்பாவை இழந்துவிட்டேன் என்று பதிவிட்டுள்ளார்.
2001 இல் நடிப்பிலிருந்து ஓய்வு பெற்ற பின்னர், எலி ஒரு எழுத்தாளராகி இரண்டு மர்ம நாவல்களை வெளியிட்டார்.
1938 இல் டெக்சாஸில் பிறந்த ரான் எலி, 1966 முதல் 1968 வரை NBC தொலைக்காட்சி நிகழ்ச்சியான டார்சனில் பெயரிடப்பட்ட கதாபாத்திரத்தில் நடித்து பிரபல்யமானமையும் குறிப்பிடத்தக்கது.
