எதிர்வரும் நாடாளுமன்றத் தேர்தலுக்கான உத்தியோகபூர்வ வாக்காளர் அட்டைகளை விநியோகிக்கும் விசேட தினமாக இன்று (03) குறிப்பிடப்பட்டுள்ளதாக தபால் திணைக்களம் அறிவித்துள்ளது.
வாக்காளர் அட்டைகள் விநியோகம் இன்று காலை 8 மணி முதல் மாலை 6 மணி வரை இடம்பெறும் என பிரதி தபால் மா அதிபர் ராஜித ரணசிங்க தெரிவித்துள்ளார்.
வீடுகளுக்கான வாக்காளர் அட்டை விநியோகம் நவம்பர் 7 ஆம் திகதி வரை தொடரும்.
அதற்குள் எவருக்கேனும் வாக்காளர் அட்டைகள் கிடைக்காத சந்தர்ப்பத்தில், அவர்கள் தபால் நிலையத்திற்குச் சென்று தங்களது அடையாளத்தை உறுதிபடுத்தி வாக்காளர் அட்டைகளை பெற்றுக் கொள்ளலாம் என்றும் அவர் தெரிவித்தார்.
