மெல்போர்னில் வியாழன் அன்று (23) நடந்த அவுஸ்திரேலிய ஓபனின் த்ரில்லர் ஆட்டத்தில் உலகின் 2 ஆம் நிலை வீராங்கனையான இகா ஸ்விடெக்கை வீழ்த்தி, மேடிசன் கீஸ் தனது இரண்டாவது கிராண்ட்ஸ்லாம் இறுதிப் போட்டியை எட்டினார்.
அரையிறுதி ஆட்டத்தில் 29 வயதான அமெரிக்க வீராங்கனை போலிஸ் வீராங்கனையை 5-7, 6-1, 7-6(8) என்ற செட் கணக்கில் தோற்கடித்தார்.
2017 இல் அமெரிக்க ஓபன் இறுதிப் போட்டியில் சக அமெரிக்கரான ஸ்லோன் ஸ்டீபன்ஸிடம் தோல்வியடைந்த கீஸ், சனிக்கிழமை (25) நடைபெறும் அவுஸ்திரேலிய ஓபன் இறுதிப் போட்டியில் உலகின் நம்பர் 1 வீராங்கனையான அரினா சபலெங்காவை எதிர்கொள்வார்.
இந்த ஆட்டத்தில் வெற்றி பெற்றால் அவர், தனது முதல் மேஜர் பட்டத்தை வெல்வார்.
சபலெங்கா முதல் அரையிறுதியில் 11 ஆம் நிலை வீராங்கனையான ஸ்பெயின் பவுலா படோசாவை 6-4, 6-2 என்ற செட் கணக்கில் வீழ்த்தியமையும் குறிப்பிடத்தக்கது.
