மேற்கிந்தியத் தீவுகள் 34 ஆண்டுகளின் பின்னர் பாகிஸ்தானில் திங்கட்கிழமை (27) முதல் டெஸ்ட் வெற்றியைப் பதிவு செய்துள்ளது.
இந்த வெற்றியின் மூலம் மேற்கிந்தியத்தீவுகள் இரு போட்டிகள் கொண்ட டெஸ்ட் தொடரினை 1-1 என்ற கணக்கில் சமன் செய்தது.
முல்தான் சர்வதேச கிரிக்கெட் மைதானத்தில் கடந்த 25 ஆம் திகதி ஆரம்பமான இப் போட்டியில் மேற்கிந்தியத்தீவுகள் அணியின் சுழற்பந்து வீச்சாளர் ஜொமெல் வாரிகன் இரு இன்னிங்ஸுகளிலும் 70 ஓட்டங்களை வழங்கி ஒன்பது விக்கெட்டுகளை கைப்பற்றியிருந்தார்.
தொடரின் மற்றும் போட்டியின் ஆட்டநாயகனாகவும் அவர் தேர்வு செய்யப்பட்டார்.
இறுதியாக 1990 ஆம் ஆண்டு நவம்பர் மாதம் பைசலாபாத்தில் மேற்கிந்தியத்தீவுகள் அணி பாகிஸ்தானில் ஒரு டெஸ்டில் வெற்றி பெற்றது.
எனினும், அதன் பின்னரான காலப் பகுதியில் (1997 – 2006) மேற்கிந்தியத்தீவுகள் கிரிக்கெட் அணி பாகிஸ்தானில் இரண்டு தொடர்களில் மாத்திரம் விளையாடியுள்ளனர்.
