இலங்கையில் எழுந்துள்ள தேசிய பாதுகாப்பு பிரச்சினை குறித்து எதிர்க்கட்சி நாடாளுமன்ற உறுப்பினர்கள் நேற்று (20) ஒன்று கூடி பேச்சுவார்த்தை நடத்தியுள்ளனர்.
எதிர்க்கட்சித் தலைவர் சஜித் பிரேமதாச தலைமையில், எதிர்க்கட்சித் தலைவர்கள் பலரின் பங்கேற்புடன் நாடாளுமன்றத்தில் இந்த சிறப்புக் கலந்துரையாடல் நடைபெற்றது.
கூட்டத்தின் போது, எதிர்க்கட்சித் தலைவர்கள், தேசிய பாதுகாப்பில் தற்போதைய சரிவு காரணமாக, பொது வாழ்க்கைக்கு ஏற்படும் ஆபத்துகளையும், சுதந்திரமாக தங்கள் பொது சேவைகளைச் செய்வதில் ஏற்படும் ஆபத்துகளையும் ஒப்புக்கொண்டனர்.
எனவே, இந்த விவகாரம் குறித்து விவாதிப்பதற்காக பதில் பொலிஸ்மா மா அதிபர் மற்றும் அமைச்சர்கள் பாதுகாப்புப் பிரிவின் பணிப்பாளர் நாயகத்தை அழைக்குமாறு சபாநாயகர் ஜகத் விக்ரமரத்னவுக்குத் தெரிவிப்பது என்று இந்த கலந்துரையாடலில் முடிவு செய்யப்பட்டது.
இந்தக் குழு நேற்று நாடாளுமன்றத்தில் சபாநாயகர் ஜகத் விக்ரமரத்னவைச் சந்தித்து, தங்கள் முடிவுகள் மற்றும் முன்மொழிவுகள் குறித்து அவருக்குத் தெரிவித்தது.
மேலும், அனுரகுமார திசாநாயக்க அரசாங்கத்தின் கீழ் நாடாளுமன்ற உறுப்பினர்களுக்கு வழங்கப்பட்ட பொலிஸ் பாதுகாப்பை மீண்டும் வழங்குமாறு அவர் அரசாங்கத்திடம் கோரிக்கை விடுத்தார்.
