இந்த ஆண்டு இந்திய சுதந்திர தினத்தை முன்னிட்டு ரஜினிகாந்த் நடித்த ‘கூலி’ திரைப்படம் திரைக்கு வருவதால் அனைவரின் பார்வையும் அந்த திரைப்படம் மீதுதான் உள்ளது.
இதேவேளை, படத்தின் முன்பதிவு புதிய சாதனையை படைத்திருக்கும் நிலையில், கூலி படத்திற்காக நடிகர்கள் வாங்கிய சம்பளம் பற்றிய தகவல் வெளியாகி இருக்கிறது.
அதன்படி, ரஜினிகாந்த் ‘கூலி’ படத்திற்காக 200 கோடி ரூபாய் சம்பளம் பெற்றுள்ளதாக தெரிகிறது.
அமீர் கான் 20 கோடி ரூபாய் பெற்றதாக தகவல் வெளியாகி இருந்தாலும், ரஜினிகாந்த் மீதான மிகுந்த அன்பு மற்றும் மரியாதை காரணமாக தனது கதாபாத்திரத்திற்காக அவர் ஒரு பைசா கூட வாங்கவில்லை என்று கூறப்படுகிறது.
கூலி படத்தில் சைமனாக நடித்திருக்கும் நாகார்ஜுனா 10 கோடி ரூபாவும் , ஸ்ருதிஹாசன் 4 கோடி ரூபாவும் பெற்றதாக தெரிகிறது.
அதேபோல், நடிகர் சத்யராஜ் 5 கோடி ரூபாவும் கன்னட நட்சத்திரம் உபேந்திரா 5 கோடி ரூபாவும் பெற்றதாக கூறப்படுகிறது.
இதேவேளை, ‘கூலி’ படத்தை இயக்கிய லோகேஷ் கனகராஜ் 50 கோடி ரூபாவும் இசையமைத்த அனிருத் 15 கோடி ரூபாவும் சம்பளமாக பெற்றுள்ளதாக தெரிவிக்கப்படுகின்றது.
