2025 ஆம் ஆண்டில் சமூக ஊடக துஷ்பிரயோகம் மற்றும் சைபர் பாதுகாப்பு சம்பவங்கள் தொடர்பாக 12,650 க்கும் மேற்பட்ட முறைப்பாடுகள் பதிவு செய்யப்பட்டுள்ளதாக இலங்கை கணினி அவசர தயார்நிலைக் குழு தெரிவித்துள்ளது.
இது முந்தைய ஆண்டுகளுடன் ஒப்பிடும்போது ஆன்லைன் மோசடி, டிஜிட்டல் மோசடி மற்றும் சைபர் துன்புறுத்தல்களில் குறிப்பிடத்தக்க அதிகரிப்பைக் எடுத்துக் காட்டுகின்றது என்று குழு சுட்டிக்காட்டியுள்ளது.
முறைப்பாடுகளில் கணிசமான விகிதம் போலி கணக்குகள், ஹேக் செய்யப்பட்ட கணக்குகள் மற்றும் சமூக ஊடக தளங்கள் மூலம் மேற்கொள்ளப்படும் நிதி மோசடிகள் தொடர்பானது என்று குறித்த குழுவின் முன்னணி தகவல் பாதுகாப்பு பொறியாளர் சாருகா தமுனுபோல குறிப்பிட்டார்.
வெறுப்புப் பேச்சு அல்லது துஷ்பிரயோகம் செய்யும் உள்ளடக்கம், பாலியல் துன்புறுத்தல் மற்றும் அதனுடன் தொடர்புடைய உள்ளடக்கம் ஆகியவை முறைப்பாடுகளில் அதிகமாக இடம்பெற்றுள்ளன.
மேலும், தனிநபர்களையும் பொதுமக்களையும் பாதிக்கும் பொதுவான மோசடிகள் மற்றும் தவறான தகவல்களைப் பரப்புவதில் குறிப்பிடத்தக்க அதிகரிப்பு ஏற்பட்டுள்ளதாகவும் அவர் கூறினார்.
தகவல் தொடர்பு, வர்த்தகம் மற்றும் நிதி நடவடிக்கைகளுக்கு டிஜிட்டல் தளங்களை நம்பியிருப்பது அதிகரித்து வருவதைப் பயன்படுத்திக் கொள்ள சைபர் குற்றவாளிகள் தொடர்ந்து அதிநவீன மற்றும் மோசடி முறைகளைப் பயன்படுத்துகின்றனர்.
குறிப்பாக பாதிக்கப்படக்கூடிய குழுக்கள், ஆன்லைன் பாதுகாப்பு நடைமுறைகள் குறித்து போதுமான அளவு தகவல் இல்லாத இளைஞர்கள், வயதான பயனர்கள் மற்றும் முதல் முறையாக இணைய பயனர்கள் போன்றவர்கள் அடிக்கடி பாதிக்கப்படக்கூடியவர்களாக உள்ளனர்.
பொதுமக்கள் விழிப்புடன் இருக்கவும், தனிப்பட்ட அல்லது நிதித் தகவல்களை ஆன்லைனில் பகிர்வதைத் தவிர்க்கவும், சந்தேகத்திற்கிடமான செய்திகள், இணைப்புகளைச் சரிபார்க்கவும் வலுவான பாதுகாப்பு நடவடிக்கைகளை செயல்படுத்துமாறும் அவர் வலியுறுத்தியுள்ளார்.
