கிராமி விருதை அள்ளி சென்ற பிரபலங்களின் விபரங்கள் இதோ!

அமெரிக்காவின் லொஸ் ஏஞ்சலஸ் நகரில் இன்று (02) இடம்பெற்ற 68ஆவது கிராமி விருது விழாவில் திபெத் பௌத்த மதத் தலைவர் தலாய் லாமாவுக்கு கிராமி விருது அறிவிக்கப்பட்டுள்ளது.

மெடிடேஷன்ஸ் : த ரிப்ளெக்ஷன்ஸ் ஒப் ஹிஸ் ஹோலினஸ் த தலாய் லாமா ( Meditations : The Reflections of His Holiness the Dalai Lama ) என்ற அல்பத்திற்கு இந்த விருது வழங்கப்பட்டது

தலாய் லாமாவின் போதனைகளுக்கு கிடைத்துள்ள சர்வதேச அங்கீகாரமாக இந்த கிராமி விருது கருதப்படுகிறது .

தலாய் லாமா சார்பாக இசைக்கலைஞர் ரூபஸ் வைன்ரைட் இந்த விருதைப் பெற்றுக்கொண்டார்.

இந்த விருது குறித்து தலாய் லாமா கூறுகையில் , இந்த அங்கீகாரத்தை நான் நன்றியுடனும் பணிவுடனும் ஏற்றுக்கொள்கிறேன் எனவும் இதை நான் தனிப்பட்ட சாதனையாகப் பார்க்கவில்லை எனவும்
மாறாக , நம் அனைவருக்கும் இருக்கும் உலகளாவிய பொறுப்பிற்குக் கிடைத்த அங்கீகாரமாகவே பார்க்கிறேன் எனவும் தெரிவித்துள்ளார்.

இதேவேளை, 68ஆவது கிராமி விருது வழங்கும் விழாவில் லேடி ககா தனது “அப்ரகாடாப்ரா” (Abracadabra) பாடலுக்காக சிறந்த நடன பொப் பாடல் (Best Dance Pop Song) விருதை வென்றுள்ளார்.

அமெரிக்காவின் லாஸ் ஏஞ்சல்ஸ் நகரில் நேற்று (01) நடைபெற்ற இந்த விருது வழங்கும் விழா, லேடி ககாவிற்கு மிகவும் வெற்றிகரமான இரவாக அமைந்தது.

அவரது சமீபத்திய ஆல்பமான “மேஹெம்” (Mayhem), சிறந்த பொப் குரல் ஆல்பத்திற்கான (Best Pop Vocal Album) விருதையும் வென்றது.

லேடி காகா தனது மேடை நிகழ்ச்சிக்காகத் தயாராகிக் கொண்டிருந்ததால், தயாரிப்பாளர்கள் எண்ட்ரூ வாட் மற்றும் சர்க்யூட் ஆகியோர் அவர் சார்பாக விருதைப் பெற்றுக்கொண்டனர்.

ஆண்டுக்கான சிறந்த பாடல் (Song of the Year) மற்றும் ஆண்டுக்கான சிறந்த பதிவு (Record of the Year) ஆகிய முக்கிய பிரிவுகளிலும் பரிந்துரைக்கப்பட்ட தனது “அப்ரகாடாப்ரா” பாடலை, ஒரு ரொக் பதிப்பாக (Rock version) மேடையில் பாடி அவர் ரசிகர்களை ஆச்சரியப்படுத்தினார்.

இந்த வெற்றியின் மூலம், லேடி ககா வென்றுள்ள மொத்த கிராமி விருதுகளின் எண்ணிக்கை 14ஆக உயர்ந்துள்ளது.

இதேவேளை, 2026 கிராமி விருதுகள் பன்முகத்தன்மை, புதுமைகளின் ஆண்டாக அமைந்தது.

ரெக்கார்டிங் அகாடமியின் விருதுகள் நவீன இசையின் உலகளாவிய வீச்சைப் பிரதிபலித்தன. ‘

‘கே-பொப் டெமான் ஹன்டர்ஸ்’ ஒலிப்பதிவிலிருந்து “கோல்டன்” பாடல், முதல் கே-பொப் கிராமி விருதைப் பெற்று வரலாற்றைப் படைத்தது.

பொதுப் பிரிவின் முக்கிய விருதுகளில், “Debí Tirar Más Fotos” ஆல்பத்திற்காக பேட் பன்னி ‘ஆண்டின் சிறந்த ஆல்பம்’ விருதை வென்றார்.

இது முதல் முழு ஸ்பானிஷ் மொழி ஆல்பத்தின் வெற்றியாகும்.