78 ஆவது சுதந்திர தினத்தைக் கொண்டாடும் இந்தத் தருணத்தில், நமது நாட்டைப் பலப்படுத்தி, ஆள்புல ஒருமைப்பாடு, இறையாண்மை, மற்றும் அரசியல் சுதந்திரத்தைப் பாதுகாக்க இன்று அனைவரும் ஒன்றாய் கூடுகின்றனர். சுதந்திரத்திற்குப் பிறகு, ஒரு நாடாக ஏகாதிபத்தியங்களின் பெரும் சக்தியை தோற்கடித்து, ஐக்கிய நாடாக பலப்பட்டு நிற்கிறோம். அன்று முன்னெடுக்கப்பட்ட ஏகாதிபத்தியம் இன்று வெவ்வேறு கோணங்களில் முன்னெடுக்கப்பட்டு வருகின்றன. பொருளாதார, சமூக மற்றும் ஏனைய பல துறைகளில் நேரடி ஏகாதிபத்தியத்திற்குப் பதிலாக, நமது நாட்டில் மட்டுமல்ல உலகளாவிய தெற்கு நாடெங்கிலும் மறைமுக ஏகாதிபத்தியம் முன்னெடுக்கப்பட்டு வருகின்றன என்று எதிர்க்கட்சித் தலைவர் தெரிவித்தார்.
நமது நாடு முழுமையான சுதந்திர நாடாக மாற வேண்டுமென்றால், இந்த ஏகாதிபத்திய சக்திகள் அனைத்தையும் நாம் தோற்கடித்து, அரசியல், சிவில் மற்றும் குடியியல் சுதந்திரங்கள் போலவே பொருளாதார, சமூக மற்றும் கலாச்சார சுதந்திரங்களையும் அடைய வேண்டும். அனைவருக்கும் பயனளிக்கும், சௌபாக்கியம் அனைவருக்கும் கிட்டும் சுதந்திரத்தை நாம் கொண்டு வர வேண்டும். உலக நாடுகள் மத்தியில் நாம் விரைவான வளர்ச்சியை அடையும் பட்சத்தில், இந்த சுதந்திரம் மேலும் உறுதிப்படும் என்று எதிர்க்கட்சித் தலைவர் சஜித் பிரேமதாச தெரிவித்தார்.
78 ஆவது சுதந்திர தினக் கொண்டாட்டம் நிமித்தம் கொள்ளுப்பிட்டி, பொல்வத்த, ஸ்ரீ தர்மகீர்த்தயாராமயத்தில் ஏற்பாடு செய்யப்பட்டிருந்த சுதந்திர தின வைபவ நிகழ்வில் இன்று (04) காலை கலந்து கொண்டு அங்கு உரையாற்றும் போதே எதிர்க்கட்சித் தலைவர் சஜித் பிரேமதாச இவ்வாறு தெரிவித்தார்.
சம்புத்த சாசனத்திற்கு முன்னுரிமையை வழங்குவது உயரிய சட்டமாகும். இங்கு, நாம் சகோதர மதங்களையும் சகோதர சமூகங்களின் கலாச்சாரங்களையும் பாதுகாத்து ஒற்றுமையுடன் முன்னோக்கிப் பயணிக்க வேண்டும். ஒரு ஜனநாயக நாட்டில், வெவ்வேறு கருத்துக்களைக் கொண்ட அரசியல் இயக்கங்கள் காணப்பட்டாலும், அவை எந்தக் கருத்தை அல்லது கோட்பாட்டைப் பின்பற்றினாலும், பேதங்கள் இன்றி அனைவரும் ஒன்றாய் இணைந்து, நாட்டின் இறையாண்மை, ஆள்புல ஒருமைப்பாட்டை காக்க வேண்டும். 78 ஆவது சுதந்திர தினத்தை கொண்டாடும் இந்த நேரத்தில், முழுமையான சுதந்திரத்தை மேலும் அடைந்து கொண்டு, இந்த முற்போக்கான எதிர்கால பயணத்திற்கு அனைவரும் ஒன்றுபடுமாறு அழைப்பு விடுக்கிறேன் என்று
எதிர்க்கட்சித் தலைவர் சஜித் பிரேமதாச இங்கு மேலும் தெரிவித்தார்.
