பிரித்தானிய பிரதமர் கீர் ஸ்டார்மர் (Sir Keir Starmer), கடந்த சில நாட்களாகப் பலத்த அரசியல் நெருக்கடிகளைச் சந்தித்து வரும் நிலையில், நாடாளுமன்றத்தில் கெமி பேடனாக் (Kemi Badenoch) மற்றும் ஏனைய எம்.பி.க்களின் சரமாரியான கேள்விகளைச் சந்தித்துள்ளார்.
பல அமைச்சர்களின் ராஜினாமாக்கள், அவர் பதவியிலிருந்து விலக வேண்டும் என்ற கோரிக்கைகள் மற்றும் பாலியல் குற்றவாளியுடன் தொடர்புடைய மற்றுமொரு முன்னாள் உதவியாளர் என ஸ்டார்மரின் பிரதமர் பதவி கடும் அதிர்வுக்குள்ளாகியுள்ளது.
இதேவேளை, பிரதமர் கீர் ஸ்டார்மரின் முன்னாள் தகவல் தொடர்பு இயக்குநராக இருந்த (Matthew Doyle) மேத்யூ டாய்ல், பாலியல் குற்றவாளியான ஒரு கவுன்சிலருடன் (councillor) இருந்த தொடர்புகள் காரணமாக தொழிற் கட்சியிலிருந்து இடைநீக்கம் செய்யப்பட்டுள்ளார்.
(Matthew Doyle) மேத்யூ டாய்ல் பிரபுக்கள் சபையின் (House of Lords) உறுப்பினராக இருந்து தற்போது கட்சித் தலைமையின் விசாரணையை எதிர்கொண்டுள்ளதால், தொழிற் கட்சியின் அதிகாரப்பூர்வ உறுப்பினராகச் (whip) செயல்படுவதிலிருந்து விலகியுள்ளார்.
மேலும் ஸ்காட்லாந்தின் மொரே பகுதியைச் சேர்ந்த முன்னாள் கவுன்சிலர் சீன் மார்டன் (Sean Morton) என்பவர் மீது 2016-இல் சிறார் பாலியல் குற்றச்சாட்டுகள் சுமத்தப்பட்டன.
பின்னர் அவர் குற்றத்தையம் ஒப்புக்கொண்டார்.
கடந்த 2016-இல் மார்டன் மீது குற்றச்சாட்டுகள் சுமத்தப்பட்ட பின்னரும், அவருடன் இணைந்து (Matthew Doyle) மேத்யூ டாய்ல் தேர்தல் பிரச்சாரத்தில் ஈடுபட்ட புகைப்படங்கள் வெளியாகியுள்ளன.
இந்நிலையில் தனது செயலுக்கு மன்னிப்பு கோரி (Matthew Doyle) மேத்யூ டாய்ல் அறிக்கை ஒன்றையும் வெளியிட்டிருந்தார்.
இதேவேளை, இது குறித்து லேபர் கட்சியின் செய்தித் தொடர்பாளர் கூறுகையில், “அனைத்துப் புகார்களும் கட்சியின் விதிமுறைகளின்படி தீவிரமாக ஆய்வு செய்யப்படும்” எனவும் இது குறித்த முறையான விசாரணை (investigation) தற்போது நடைபெற்று வருவதாகவும் தெரிவித்தார்.
