நியூயோர்க்கின் லாகார்டியா (LaGuardia) விமான நிலையத்தில் தரையிறங்கிய ஏர் கனடா எக்ஸ்பிரஸ் விமானம் ஒன்று, தரையில் இருந்த வாகனம் ஒன்றுடன் மோதி விபத்துள்ளாகியுள்ளது.
உள்ளூர் நேரப்படி செவ்வாய்க்கிழமை இரவு இரவு 11:37 மணியளவில் ஏற்பட்ட இந்த விபத்தினை அடுத்து விமான நிலையம் அவசரமாக மூடப்பட்டதாக தகவல்கள் தெரிவிக்கின்றன.
மான்ட்ரியலில் இருந்து வந்துகொண்டிருந்த CRJ-900 ரக விமானம் மணிக்கு சுமார் 24 மைல் வேகத்தில் தரையில் இருந்த தீயணைப்பு வாகனத்தின் மீது மோதியதாக, விமானப் பயணங்களைக் கண்காணிக்கும் வலைத்தளமான Flightradar24 தெரிவித்துள்ளது.
குறித்த ஜெட் ரக விமானம், ஏர் கனடாவின் பிராந்திய பங்காளியான Jazz Aviation நிறுவனத்தால் இயக்கப்படுகிறது.
காவல்துறை அதிகாரிகளால் இயக்கப்படும் தீயணைப்பு வாகனம் சம்பந்தப்பட்ட இந்த விபத்தில் நான்கு தீயணைப்பு வீரர்கள் காயமடைந்ததாக தெரிவிக்கப்படுகிறது.
அதேநேரம், விமானத்தின் விமானி மற்றும் துணை விமானி படுகாயமடைந்ததாகவும், ஒரு சார்ஜென்ட் மற்றும் ஒரு அதிகாரிக்கு கை, கால்கள் உடைந்ததாகவும், அவர்கள் மருத்துவமனையில் அனுமதிக்கப்பட்டுள்ளதாகவும் தெரிவிக்கப்படுகிறது.
