பலவீனமான ஏற்றுமதித் தேவையும், ஆலை மறுசீரமைப்புப் பணிகளும் உற்பத்தியைப் பாதித்ததால் பிரித்தானியாவின் வாகன உற்பத்தி 2026 பெப்ரவரி மாதத்தில் கடந்த ஆண்டு பெப்ரவரியுடன் ஒப்பிடுகையில் 17.2% சரிவினை சந்தித்துள்ளது.
இது மிகவும் கவலைக்குரிய விடயம் எனத் தொழில்துறை வட்டாரங்கள் இன்று (27) தெரிவித்துள்ளன.
மத்திய கிழக்கில் ஏற்பட்ட புதிய குழப்பங்கள் மற்றும் ஐரோப்பிய ஒன்றியத்தின் முன்மொழிவுகளால் வாகன ஏற்றுமதித்துறை பெருகிவரும் அழுத்தத்தை எதிர்கொண்டுள்ள நிலையில் இந்த வீழ்ச்சி ஏற்பட்டது.
இந்த வீழ்ச்சியானது இந்த ஆண்டு எதிர்பார்க்கப்பட்ட சுமார் 70 பில்லியன் பவுண்டுகள் மதிப்புள்ள இங்கிலாந்தில் தயாரிக்கப்பட்ட வாகன ஏற்றுமதிக்கான வர்த்தகத்தில் பெரும் தாக்கத்தை செலுத்தும் என மோட்டார் உற்பத்தியாளர்கள் மற்றும் வர்த்தகர்கள் சங்கம் தெரிவித்தது.
ஐரோப்பாவிற்கு வெளியே உள்ள சந்தைகளில் நிலவிய பலவீனமான தேவை மற்றும் ஆலை மறுசீரமைப்பு ஆகியவற்றால் வர்த்தக வாகனங்கள் மற்றும் கார்களின் உற்பத்தி கடுமையாக பாதிக்கப்பட்டது.
இதனால், கடந்த பெப்ரவரி மாதத்தில் பிரித்தானியாவின் மொத்த வாகன உற்பத்தி 68,061 அலகுகளாகக் குறைந்ததாகவும் மோட்டார் உற்பத்தியாளர்கள் மற்றும் வர்த்தகர்கள் சங்கம் சுட்டிக்காட்டியுள்ளது.
அதன்படி, கார் உற்பத்தி 10.7% சரிந்து 65,885 அலகுகளாகவும், வர்த்தக வாகன உற்பத்தி 74% சரிந்து 2,176 அலகுகளாகவும் குறைந்துள்ளன.
