2026 ஆம் ஆண்டுக்கான லங்கா பிரீமியர் லீக் (LPL) தொடரின் அதிகாரப்பூர்வ போட்டி அட்டவணையை ஸ்ரீலங்கா கிரிக்கெட் (SLC) வெளியிட்டுள்ளது.
அந்த அட்டவணைக்கு அமைவாக போட்டிகள் எதிர்வரும் ஜூலை 17 முதல் ஆகஸ்ட் 8 வரை நடைபெறும்.
ஆகஸ்ட் 9 அன்று போட்டிக்காக ஒரு மாற்று நாள் ஒதுக்கப்பட்டுள்ளது.
ஜூலை 17 ஆம் திகதி கொழும்பு எஸ்.எஸ்.சி. மைதானத்தில் ஒரு தொடக்க விழாவுடன் இந்த சீசன் தொடங்கும்.
அதனைத் தொடர்ந்து யாழ்ப்பாணம் மற்றும் காலி அணிகளுக்கு இடையேயான ஆட்டத்துடன், போட்டிகள் ஆரம்பமாகும்.
பிளேஆஃப் போட்டிகள் கொழும்பில் உள்ள ஆர். பிரேமதாச சர்வதேச கிரிக்கெட் மைதானத்தில் (RPICS) நடைபெறும்.
அதற்கு முன்னதாக குழு நிலைப் போட்டிகள் கொழும்பு, எஸ்.எஸ்.சி, தம்புள்ளை மற்றும் கண்டி ஆகிய இடங்களிலும் நடைபெறும்.
குழுச் சுற்றில் 20 போட்டிகள் இடம்பெறுகின்றன.
மேலும் வார இறுதி நாட்கள் மற்றும் தேர்ந்தெடுக்கப்பட்ட வார நாட்களில் இரட்டைப் போட்டிகள் திட்டமிடப்பட்டுள்ளன.
பிளேஆஃப் சுற்று ஆகஸ்ட் 5 அன்று ஆரம்பமாகும்.
இறுதியாக மாபெரும் இறுதிப் போட்டி ஆகஸ்ட் 8 அன்றும் கொழும்பு, ஆர்.பிரேமதாச மைதானத்தில் நடைபெறும்.
