ஐக்கிய நாடுகள் சபையின் சித்திரவதைத் தடுப்புக்கான துணைக்குழு (SPT), 2026 ஜூன் 15 முதல் 24 வரை இலங்கைக்குத் தனது இரண்டாவது பயணத்தை மேற்கொள்ளவுள்ளதாக வெளிவிகார அமைச்சு அறிவித்துள்ளது.
2017 டிசம்பரில் சித்திரவதைக்கு எதிரான உடன்படிக்கையின் விருப்பத்தேர்வு நெறிமுறையில் (OPCAT) இலங்கை இணைந்ததைத் தொடர்ந்து, SPT 2019 ஏப்ரலில் தனது முதல் பயணத்தை மேற்கொண்டது.
இணைந்தவுடன், இலங்கை அரசாங்கத்தால் OPCAT-இன் கீழ் இலங்கை மனித உரிமைகள் ஆணைக்குழு (HRCSL) தேசிய தடுப்புப் பொறிமுறையாக (NPM) நியமிக்கப்பட்டது.
தனது வரவிருக்கும் பயணத்தின் போது, நான்கு பேர் கொண்ட SPT தூதுக்குழுவினர் அமைச்சர் மட்டத்திலான சந்திப்புகளை நடத்துவதோடு, தொடர்புடைய அரசாங்க அமைச்சகங்கள், திணைக்களங்கள் மற்றும் நிறுவனங்களின் மூத்த அதிகாரிகளுடனும் கலந்துரையாடுவார்கள்.
மேலும், இத்தூதுக்குழுவினர் இலங்கை மனித உரிமைகள் ஆணைக்குழுவின் பிரதிநிதிகளையும், குடிமைச் சமூக உறுப்பினர்களையும் சந்திப்பார்கள்.
இலங்கை அரசாங்கம், ஐக்கிய நாடுகள் சபையுடனான தனது தொடர்ச்சியான ஈடுபாட்டுக் கொள்கைக்கு இணங்கவும், அரசியலமைப்பிற்கு இணங்க, தாமாக முன்வந்து மேற்கொள்ளப்பட்டு தொடர்புடைய சர்வதேச ஆவணங்களில் பொறிக்கப்பட்டுள்ள தனது உடன்படிக்கை அமைப்பு கடமைகளை நிறைவேற்றும் வகையிலும், துணைக்குழுவுடன் வெளிப்படையான, ஆக்கப்பூர்வமான மற்றும் ஒளிவுமறைவற்ற முறையில் ஈடுபடும்.
இந்தக் குழுவில் ஆயிஷா ஷுஜூன் மொஹம்மட் (மாலத்தீவுகள்) (குழுத் தலைவர்); ஜாகப் ஜூலியன் செபெக் (போலந்து); அனிகா டோம்சிக் (குரோஷியா); மற்றும் நிகா க்வராட்ஸ்கெலியா (ஜோஜியா) ஆகியோர் இடம்பெறுவார்கள்.
சுவிட்சர்லாந்தின் ஜெனீவாவில் உள்ள SPT செயலகத்தின் அதிகாரிகளும் அவர்களுடன் கலந்து கொள்ளவுள்ளனர்.
