கொங்கோ ஜனநாயகக் குடியரசு திங்கட்கிழமை (22) இரவு வெளியிட்ட தகவலின்படி, அந்நாட்டில் உறுதிப்படுத்தப்பட்ட எபோலா (Ebola) தொற்றாளர்களின் எண்ணிக்கை 1,048-ஐ எட்டியுள்ளது;
இதில் 267 உயிரிழப்புகளும் அடங்கும்.
இந்த ஆப்பிரிக்க நாட்டின் தேசிய பொது சுகாதார நிறுவனம் இறப்பு விகிதம் 25% என உறுதிப்படுத்தியுள்ளது.
கொடிய இரத்தக் கசிவு காய்ச்சலின் அண்மைய பரவல் 2026 மே 15 அன்று அறிவிக்கப்பட்டது.
ஏறக்குறைய அனைத்து பாதிப்புகளும், ஆயுதக் குழுக்களால் பீடிக்கப்பட்ட மற்றும் மோதல்களால் சோர்வுற்ற பகுதியான வடகிழக்கில் உள்ள இடுரி மாகாணத்தில் உள்ளன.
மொத்தத்தில் மூன்று மாகாணங்கள் பாதிக்கப்பட்டுள்ளன: அவை இடுரி (Ituri) மற்றும் அண்டை மாகாணங்களான வடக்கு கிவு (North Kivu) மற்றும் தெற்கு கிவு (South Kivu) ஆகும்.
இம்மாகாணங்களில் சுமார் 15 மில்லியன் மக்கள் வசிக்கின்றனர்.
இது தவிர இந்த வைரஸ் அண்டை நாடான உகாண்டாவிற்கும் பரவியுள்ளது; அங்கு உலக சுகாதார ஸ்தானம் 20 பாதிப்புகளையும் இரண்டு உயிரிழப்புகளையும் பதிவு செய்துள்ளது.
இருப்பினும், நிலைமை கட்டுப்பாட்டில் இருப்பதாக உகாண்டா அரசு இந்த மாதத் தொடக்கத்தில் தெரிவித்திருந்தது.
