19 வயதுக்கு உட்ட இந்திய அணியின் இலங்கை சுற்றுப் பயணத்துக்கான 15 பேர் கொண்ட தனது அணியை ஸ்ரீலங்கா கிரிக்கெட் (SLC) அறிவித்துள்ளது.
ஸ்ரீலங்கா கிரிக்கெட் வெளியிட்டுள்ள அறிக்கையின்படி, இச்சுற்றுப்பயணத்தில் இலங்கை மற்றும் இந்திய 19 வயதுக்குட்பட்டோர் அணிகளுக்கு இடையே மூன்று போட்டிகள் கொண்ட ஒருநாள் தொடரும், இரண்டு போட்டிகள் கொண்ட நான்கு நாள் ஆட்டத் தொடரும் இடம்பெறவுள்ளன.
ஒருநாள் போட்டிகள் ஜூலை 4, 6 மற்றும் 9 ஆகிய திகதிகளில் ஹம்பாந்தோட்டை சூரியவெவ கிரிக்கெட் மைதானத்தில் நடைபெறும்.
நான்கு நாள் ஆட்டங்கள் ஜூலை 13 அன்று காலியிலும், ஜூலை 20 அன்று கொழும்பில் உள்ள ஆர்.பிரேமதாச மைதானத்திலும் தொடங்கவுள்ளன.
