ஸ்பெயின் உலகக் கிண்ண வெற்றியாளரும், பலோன் டி’ஓர் விருது வென்றவருமான ரோட்ரியை ஒப்பந்தம் செய்வதற்காக பார்சிலோனா அணி மான்செஸ்டர் சிட்டியுடன் ஒரு உடன்பாட்டை எட்டியுள்ளது.
30 வயதான அந்த மிட்ஃபீல்டர் சுமார் 75 மில்லியன் யூரோக்கள் (87 மில்லியன் டொலர்கள்) கட்டணத்தில் இடமாற்றம் செய்யப்படவுள்ளார்.
அடுத்த சில நாட்களில் இது குறித்த உத்தியோகப்பூர்வ அறிவிப்பு வெளியாகும் என எதிர்பார்க்கப்படுகிறது.
கடந்த ஜூலை மாதம் ஸ்பெயின் அணி உலகக் கிண்ணத்தை வென்ற பிறகு ரோட்ரி ரியல் மாட்ரிட் அணியுடன் இணைவார் என்று பேசப்பட்டது.
எனினும், 2019-ல் மான்செஸ்டர் சிட்டி அணியில் இணைந்ததிலிருந்து அந்த அணியின் வெற்றிக்கு முக்கிய பங்காற்றியுள்ள முன்னாள் அட்லெடிகோ மாட்ரிட் நட்சத்திர வீரரான ரோட்ரியை ஒப்பந்தம் செய்ய பார்சிலோனா தீவிர முயற்சி மேற்கொண்டது.
2024 இல் பலோன் டி’ஓர் விருதை வென்ற அந்த நடுக்கள வீரர், கடந்த இரண்டு சீசன்களாக காயங்களால் அவதிப்பட்டாலும், ஸ்பெயின் தனது இரண்டாவது உலகக் கிண்ணத்தை வென்றபோது சிறப்பாக ஜொலித்தார்.
பார்சிலோனாவின் டச்சு நடுக்கள வீரரான ஃபிரெங்கி டி ஜாங், காயம் காரணமாகப் பல மாதங்கள் விளையாட முடியாத நிலையில் உள்ளார்.
இது, ரோட்ரியை ஒப்பந்தம் செய்ய அந்த கழகத்தை தூண்டியுள்ளது.
ஸ்பெயின் தலைவரான இவர், மான்செஸ்டர் சிட்டி அணியில் ஒரு முக்கிய வீரராகத் திகழ்ந்தார்.
2023 சாம்பியன்ஸ் லீக் மற்றும் நான்கு பிரீமியர் லீக் பட்டங்கள் உட்பட 12 முக்கிய கிண்ணங்களை வெல்ல அந்த அணியை வழிநடத்தியமையும் குறிப்பிடத்தக்கது.
