பதுளை போதனா வைத்தியசாலையைச் சேர்ந்த மயக்க மருந்து நிபுணர் ஒருவர் காணாமல் போயுள்ளதாக பொலிஸார் தெரிவித்துள்ளனர்.
குறித்த வைத்தியர் நேற்று (23) பணியில் இருந்தபோதிலும், அதன் பின்னர் அவர் காணாமல் போயுள்ளதாகத் தெரிவிக்கப்படுகிறது.
மீகஹகியுல (Meegahakiula) பகுதியில், மஹியங்கனையை நோக்கிச் சென்ற அந்த வைத்தியரின் கார் சிசிடிவி (CCTV) கமராக்களில் பதிவாகியுள்ளதாகக் பொலிஸ் விசாரணையில் தெரியவந்துள்ளது.
மேலும் மேற்கொள்ளப்பட்ட விசாரணையில், பதுளை–மஹியங்கனை வீதியில் உள்ள 17 ஆவது மைல் கல் பகுதிக்கு அருகிலுள்ள மபகட வெவ (Mapakada Wewa) பகுதியில், கைவிடப்பட்ட நிலையில் அந்த வைத்தியரின் கார் நேற்று இரவு கண்டெடுக்கப்பட்டது.
காணாமல் போன வைத்தியசாரைக் கண்டறிவதற்காக, பொலிஸ் மற்றும் இலங்கை இராணுவம் இணைந்து அப்பகுதியில் இன்று (24) தேடுதல் நடவடிக்கையை மேற்கொள்ளவுள்ளதாக பொலிஸார் மேலும் கூறியுள்ளனர்.
