இந்திய மற்றும் மேற்கிந்திய அணிகளுக்கிடையில் நடைபெற்ற இரண்டாவது ஒருநாள் போட்டியில் மேற்கிந்திய தீவுகள் நிர்ணயித்த 406 என்ற வெற்றியிலக்கை இலகுவில் எட்டி 8 விக்கட்டுக்களால் வெற்றிப்பெற்று இந்திய அணி வரலாற்று வெற்றியை பதிவு செய்து தொடரையும் கைப்பற்றி அசத்தியது.
மேற்கிந்திய தீவுகள் அணி இந்தியாவிற்கு சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் விளையாடி வருகின்றது.
முதல் போட்டியில் இந்திய அணி வெற்றிப்பெற்ற நிலையில் இரண்டாவது போட்டி நேற்று குவாட்டியில் நடைபெற்றது.
நாணய சுழற்சியில் வெற்றிப்பெற்ற இந்திய அணி பந்துவீச்சை தேர்வு செய்ய, மேற்கிந்திய தீவுகள் அணி துடுப்பெடுத்தாட களமிறங்கியது.
3 வீரர்கள் அதிரடியாக சதம் விளாச இமாலய இலக்கை பதிவு செய்தது மேற்கிந்திய தீவுகள் அணி, 50 ஒவர்கள் நிறைவில் 7 விக்கட்டினை இழந்து 405 ஓட்டங்களை பெற்றுக்கொண்டது.
அவ்வணி சார்பில் அமிர் ஜங்கு அதிகபட்சமாக 114 ஓட்டங்களை பெற்றுக்கொடுத்தார். அணித்தலைவர் சாய ஹோப் 104 ஓட்டங்களையும் ஜோன் கெம்ப்பெல் 101 ஓட்டங்களையும் பெற்றுக்கொடுத்தனர்.
பின்னர் 406 ஓட்டங்கள் என்ற இமாலய இலக்கை வெற்றியிலக்காக கொண்டு பதிலுக்கு துடுப்பெடுத்தாட களமிறங்கிய இந்திய அணிக்கு ஆரம்ப ஜோடியர்ன ரோஹித் சர்மா மற்றும் சுப்மன் கில் ஆகியோர் சிறப்பான தொடக்கத்தை ஏற்படுத்திக்கொடுத்தனர்.
அதிடியாக விளையாடிய இவர்கள் இருவரும் முதல் விக்கட்டுக்காக 255 ஓட்டங்களை இணைப்பாட்டமாக பகிர்ந்து வரலாறு படைத்தனர்.
அதிரடியாக விளையாடிய ரோஹித் சர்மா 101 ஓட்டங்களை பெற்று ஆட்டமிழந்தார்.
பின்னர் விராத் கோஹ்லி 29 ஓட்டங்களில் ஆட்டமிழந்து வெளியேறினார்.
தொடர்ந்தும் சிறப்பாக துடுப்பெடுத்தாடிய அணி;த்தலைவர் சுப்மன் கில் அதிவேக இரட்டை சதத்தை பதிவு செய்து அசத்தினார்.
இறுதியில் அவர் ஆட்டமிழக்காமல் 223 ஓட்டங்களை பெற்றுக்கொடுக்க இந்திய அணி 43.3 ஓவர்களில் 2 விக்கட்டினை மாத்திரம் இழந்து 406 ஓட்டங்களை பெற்று வரலாற்று வெற்றியை பதிவு செய்து அசத்தியது.
இதற்கு முன்னர் தென்னாப்பிரிக்க அணி 400க்கு மேற்பட்ட் ஓட்டங்களை விரட்டி அடித்து வெற்றிப்பெற்றிருந்த நிலையில் அந்தவகையில் இந்திய அணியும் இரண்டாவதாக இணைந்துகொண்டது.
இதனால் 2-0 என வெற்றிப்பெற்று தொடரையும் கைப்பற்றி அசத்தியது இந்திய அணி
