புத்தளம், கட்டுனேரியா பகுதியில் சட்டவிரோதமாகச் சம்பாதிக்கப்பட்ட 44.5 மில்லியன் ரூபாய்க்கும் அதிகமான மதிப்புள்ள சொத்துகளை முடக்கப்பட்டுள்ளதாக பொலிஸார் குறிப்பிட்டுள்ளனர்.
இது தொடர்பில் பொலிஸ் ஊடகப் பிரிவு கூறியுள்ளதாவது,
நீர்கொழும்புப் பகுதியைச் சேர்ந்த ஒரு ஆணோடும் பெண்ணோடும் தொடர்புடைய இருவர் போதைப்பொருள் கடத்தல் மூலம் சொத்துக்களைச் சேர்த்துள்ளதாகக் கிடைத்த தகவலின் அடிப்படையில், சட்டவிரோத சொத்துக்கள் தொடர்பான விசாரணைப் பிரிவு விசாரணையை நடத்தியுள்ளது.
குறிப்பிட்ட அந்தப் பெண், போதைப்பொருள் கடத்தல் மூலம் ஈட்டிய பணத்தைக் கொண்டு பின்வரும் சொத்துகளைச் சேர்த்தது தெரியவந்துள்ளது.
கட்டுனேரியப் பகுதியில் அப்பெண்ணின் பெயரில் வாங்கப்பட்ட, சுமார் 9.5 மில்லியன் ரூபாய் மதிப்புள்ள 24.8 பேர்ச் நிலம் மற்றும் அதில் கட்டப்பட்டுள்ள, சுமார் 35 மில்லியன் ரூபாய் மதிப்புள்ள இரண்டு மாடி வீடு.
இதன்படி, பணமோசடி தடுப்புச் சட்டத்தின் கீழ், சுமார் 44.5 மில்லியன் ரூபாய் மதிப்புள்ள மேற்படி சொத்தை, 2026 அக்டோபர் 2 முதல் 14 நாட்களுக்கு முடக்குவதற்கான உத்தரவுகள் பிறப்பிக்கப்பட்டுள்ளன.
சட்டவிரோத சொத்துக்கள் தொடர்பான விசாரணைப் பிரிவு மேலதிக விசாரணைகளை மேற்கொண்டு வருகிறது.
