ஈரான் ஆதரவு யேமன் ஹத்திகளின் தொடர் தாக்குதல்களால் சவுதி அரேபியாவின் தலைநகர் வானம் வெறிச்சோடியதை அடுத்து, ரியாத் சர்வதேச விமான நிலையத்தின் மூடுதலை அதிகாரிகள் சனிக்கிழமை (17) வரை நீட்டித்துள்ளனர்.
மேலும் விமான நிறுவனங்கள் தங்கள் விமான சேவைகளை இரத்து செய்துள்ளன.
இது குறித்து அறிவிப்பு ஒன்றினை வெளியிட்டுள்ள சவுதி சிவில் விமானப் போக்குவரத்து ஆணையம், விமான நிலைய வசதிகளின் பாதுகாப்பு மற்றும் செயல்பாட்டுத் தயார்நிலையை உறுதி செய்வதற்கான நடைமுறைகளை நிறைவு செய்வதற்காக சவுதி அரேபியாவின் இரண்டாவது பரபரப்பான விமான நிலையமான கிங் காலித் சர்வதேச விமான நிலையத்தின் செயல்பாடுகள் தற்காலிகமாக நிறுத்திவைக்கப்பட்டதாக கூறியுள்ளது.
ரியாத்தை நோக்கி ஹவுத்தி அமைப்பினர் ஏவிய பாலிஸ்டிக் ஏவுகணை ஒன்றை இடைமறித்து அழித்ததாக சவுதி அரேபியா அறிவித்த சிறிது நேரத்திலேயே, தாங்கள் அந்த விமான நிலையத்தின் மீது பாலிஸ்டிக் ஏவுகணை மூலம் தாக்குதல் நடத்தியதாக ஹவுத்திகள் திங்கள்கிழமை இரவு தெரிவித்தனர்.
சவுதி அரேபியாவின் தென்மேற்குப் பகுதியில் உள்ள கமிஸ் முஷைட்டில் உள்ள விமானத் தளம் ஒன்றை ட்ரோன் மூலம் தாக்கியதாக ஹவுதிகள் அறிக்கை ஒன்றில் தெரிவித்தனர்.
இது குறித்து சவுதி தரப்பிலிருந்து உடனடியாக எந்த உறுதிப்படுத்தலும் வெளியாகவில்லை.
கடந்த பத்து ஆண்டுகளுக்கும் மேலாக அந்த நாட்டில் நிகழ்ந்த மிக மோசமான தாக்குதலாக அமைந்த, சனிக்கிழமையன்று 13 பேர் கொல்லப்படவும் 300-க்கும் மேற்பட்டோர் காயமடையவும் காரணமான தாக்குதலுக்குப் பின்னர் இந்த விமான நிலையம் மூடப்பட்டுள்ளது.
ஞாயிற்றுக்கிழமையன்று நிகழ்ந்த மற்றொரு தாக்குதலில் ஒருவர் கொல்லப்பட்டார் மற்றும் சுமார் 12 பேர் காயமடைந்தமையும் குறிப்பிடத்தக்கது.
