பீஸ்ட் மற்றும் வலிமை ஆகிய இரண்டு திரைப்படங்களின் படப்பிடிப்பு ரஷ்யாவில் நடைபெறவுள்ளதாக தகவல் வெளியாகியுள்ளது.
இதனால் இரண்டு திரைப்படங்களின் படக்குழுவினரும் ரஷ்யா செல்லவுள்ளதாகவும் கூறப்படுகிறது.
அஜித் குமார் நடிக்கும் வலிமை திரைப்படத்தின் படப்பிடிப்பு பணிகள் இறுதி கட்டத்தை எட்டியுள்ளன. சண்டை காட்சி ஒன்று மட்டுமே வெளிநாட்டில் படமாக்கப்படவுள்ளதாக தெரிவிக்கப்படுகிறது. இந்த காட்சிக்காக படக்குழுவினர் ரஷ்யா செல்கின்றனர்.
அதேநேரம் நடிகர் விஜய் தற்போது நடித்து வரும் பீஸ்ட் திரைப்படமும் ரஷ்யாவில் படமாக்கப்படவுள்ளதாக தெரிவிக்கப்படுகின்றமை குறிப்பிடத்தக்கது.
