நடிகர் சூர்யா அடுத்ததாக நடிக்கவுள்ள திரைப்படத்தை பாலா இயக்கவுள்ளார். இந்த திரைப்படத்தில் கீர்த்தி சுரேஷ், அதர்வா ஆகியோர் முதன்மை கதாபாத்திரத்தில் நடிக்கவுள்ளதாக அறிவிக்கப்பட்டுள்ளது.
இந்நிலையில், தற்போது நடிகை ஐஸ்வர்யா ராஜேஷும் இந்த திரைப்படத்தில் இணைந்துள்ளதாக கூறப்படுகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
இதேவேளை இந்த திரைப்படத்தின் ஆரம்பக்கட்ட பணிகள் விறுவிறுப்பாக நடைபெற்று வருகிறது. டிசம்பர் மாதம் படப்பிடிப்பை தொடங்க திட்டமிட்டுள்ளதாக தகவல் வெளியாகியுள்ளமை குறிப்பிடத்தக்கது.
