13 ஆண்டுகளுக்கு பிறகு பெரும் எதிர்பார்ப்புக்கு மத்தியில் வெளியாகியுள்ள ‘அவதார் தி வே ஆப் வோட்டர்’ திரைப்படம், திரையரங்குகளில் வெற்றிநடை போட்டு வருகின்றது.
ஆங்கிலம் மட்டுமன்றி தமிழ், தெலுங்கு, இந்தி, கன்னடம், மலையாளம் உள்பட உலகம் முழுவதும் 160 மொழிகளில் சமீபத்தில் வெளியான இப்படம் வசூல் வேட்டை நடத்தி வருகின்றது.
இதன்படி இத்திரைப்படம் உலக அளவில் இதுவரை 609.7 மில்லியன் அமெரிக்க டொலர்களை வசூலித்துள்ளதாக தகவல்கள் தெரிவிக்கின்றன.
கிறிஸ்மஸ் மற்றும் புத்தாண்டு என விடுமுறை நாட்கள் வரவுள்ள நிலையில், இப்படத்தில் வசூல் மேலும் அதிகரிக்குமென எதிர்பார்க்கப்படுகின்றது.
ஜேம்ஸ் கேமரூன் இயக்கத்தில் அவதார் படத்தின் முதல் பாகம் 2009ஆம் ஆண்டு டிசம்பர் மாதம் உலகம் முழுவதும் வெளியாகி இரசிகர்களை ஆச்சரியத்தில் உறைய வைத்தமை குறிப்பிடத்தக்கது.
