லைக்கா நிறுவனத்தின் பிரமாண்ட தயாரிப்பில் எம்.சரவணன் இயக்கத்தில் திரிஷா நடித்துள்ள ‘ராங்கி’ திரைப்படம் இன்று (வெள்ளிக்கிழமை) உலகம் முழுவதும் வெளியாகியுள்ளது.
ஹீரோக்களுக்கு இணையாக மிகப்பெரிய அளவில் கட் அவுட் வைத்து இப்படத்திற்கு காலை 7 மணி சிறப்புக்காட்சியும் திரையிடப்பட்டது.
தற்போது படத்தின் இரண்டு காட்சிகள் முடிவடைந்துள்ள நிலையில், இரசிகர்கள் இப்படத்தை கொண்டாடி வருகின்றனர் மற்றும் இப்படம் குறித்து நல்ல கருத்துக்களை அறியமுடிகின்றது.
ராங்கி படம் தமிழ் சினிமாவில் புது கதைக்களத்துடன் வந்திருப்பதாகவும், திரிஷாவின் கதாபாத்திரம் ரசிக்கும் வகையில் வடிவமைக்கப்பட்டு உள்ளதாகவும் நெட்டிசன்கள் பதிவிட்டுள்ளனர். திரிஷாவின் நடிப்பு அருமையாக இருந்ததாகவும், படத்தின் பிஜிஎம் மற்றும் டயலாக் வேறலெவலில் இருந்ததாக குறிப்பிட்டுள்ளனர்.
மேலும், ராங்கி படம் திரிஷாவை புதிய பரிணாமத்தில் காட்டி உள்ளதாகவும், சிறந்த விஷுவல் மற்றும் ஆக்ஷன் காட்சிகள் படத்தில் உள்ளதாகவும் இப்படம் இந்த புத்தாண்டுக்கு குடும்பத்தோடு சென்று பார்த்து கொண்டாடும் வகையில் உள்ளதாக பதிவிட்டுள்ளனர்.
இயக்குனர் ஏ.ஆர்.முருகதாஸ் கதை எழுதியுள்ள இப்படத்தில், ஆக்ஷன் ஹீரோயினாக திரிஷா நடித்துள்ளார்.
முன்னணி இயக்குநர் ஏ. ஆர். முருகதாஸ் கதை எழுதியிருக்கும் இந்த திரைப்படத்திற்கு சக்தி ஒளிப்பதிவு செய்ய, சி. சத்யா இசையமைத்திருக்கிறார். பாடல்கள் கபிலன் எழுதியுள்ளார்.
