றோயல் இளவரசி அன்னே, இந்த ஆண்டின் தொடக்கத்தில் அரசரால் விருது வழங்கப்பட்ட கிழக்கு சசெக்ஸில் உள்ள ஒரு நிறுவனத்திற்கு விஜயம் மேற்கொண்டார்.
லியோனார்ட்ஸை தளமாகக் கொண்ட ஃபோகஸ் எஸ்.பி.க்கு நேற்று (புதன்கிழமை) விஜயம் மேற்கொண்ட இளவரசி, தொழிற்சாலையில் உள்ள ஊழியர்களை சந்தித்து கலந்துரையாடினார்.
ஏப்ரல் மாதம் சர்வதேச வர்த்தகத்திற்கான கிங்ஸ் விருதை வென்ற ஃபோகஸ் எஸ.;பி.யின் நிர்வாக இயக்குநர் கேரி ஸ்டீவன்ஸ், அன்னேவின் வருகை ஃபோகஸ் எஸ்பியில் உள்ள ஒவ்வொரு பணியாளருக்கும் ஒரு பெரிய ஊக்கமும் வெகுமதியும் என தெரிவித்தார்.
மேலும், ஜூன் மாதம் அரசர் சார்லஸைச் சந்தித்து விருது வென்றதை நினைவுப்படுத்திய ஃபோகஸ் எஸ.;பி.யின் நிர்வாக இயக்குநர் கேரி ஸ்டீவன்ஸ், இது ஒரு நிறுவனத்திற்கு வழங்கக்கூடிய மிகவும் மதிப்புமிக்க விருதுகளில் ஒன்றாகும் என கூறினார்.
1979இல் வர்த்தகத்தைத் தொடங்கிய ஃபோகஸ் எஸ்.பி, பிரித்தானியாவின் எலக்ட்ரிக்கல் ஆக்சஸெரீஸ் தயாரிப்பு நிறுவனமாகும்.
