கட்டுநாயக்க சர்வதேச விமான நிலையத்தில் கடமையில் ஈடுபட்டிருந்த விமானப்படை வீரரின் துப்பாக்கி வெடித்த சம்பவம் பெரும் பரபரப்பை ஏற்படுத்தியுள்ளது.
விசேட பிரமுகர்கள் பயன்படுத்தும் முனையத்தில் இன்று கடமையில் ஈடுபட்டிருந்த இலங்கை விமானப்படையைச் சேர்ந்த வீரரின் துப்பாக்கியே இவ்வாறு தவறுதலாக வெடித்துள்ளதாகத் தெரிவிக்கப்பட்டுள்ளது.
இச்சம்பவத்தில் முனையத்தின் கூரை சேதமடைந்துள்ள போதும் உயிர் சேதம் ஏற்படவில்லை எனத் தெரிவிக்கப்பட்டுள்ளது.
இந்நிலையில் குறித்த விமானப்பட வீரர் கைது செய்யப்பட்டுள்ளார் எனவும் இது தொடர்பில் மேலதிக விசாரணைகளை கட்டுநாயக்க விமான நிலைய பொலிஸார் மற்றும் இலங்கை விமானப்படையினர் மேற்கொண்டு வருகின்றனர் எனவும் தெரிவிக்கப்பட்டுள்ளது.
