இலங்கையில் நடைபெறும் 5 ஆவது லங்கா பிரீமியர் லீக் T 20 தொடரின் வீரர்கள் ஏலம் இன்று இடம்பெறவுள்ளது.
கொழும்பிலுள்ள நட்சத்திர விருந்தகம் ஒன்றில் குறித்த ஏலம் இன்று மதியம் 12 மணிக்கு இடம்பெறவுள்ளது.
குறித்த ஏலத்தில் 420 பேர் பங்கேற்கவுள்ளதாகவும் அதில் 154 இலங்கை வீரர்களுடன் 266 வெளிநாட்டு வீரர்களின் பெயர்கள் பரிந்துரைக்கப்பட்டுள்ளன.
அதன்படி 5 அணிகளின் உரிமையாளர்களும் வீரர்கள் ஏலத்திற்காக 5 இலட்சம் டொலர் வீதம் 2.5 மில்லியன் டொலர்களை பயன்படுத்தவுள்ளனர்.
இந்த நிலையில், ஒவ்வொரு அணியும் தற்போது ஒப்பந்தம் செய்துள்ள மற்றும் தக்கவைத்துக் கொள்ளும் வீரர்களை அறிவித்துள்ளன.
அதன்படி, COLOMBO அணி சாமிக்க கருணாரத்ன, திசர பெரேரா, சதீர சமரவிக்கிரம, நிபுன் தனஞ்சய மற்றும் க்ளேன் பிளிப்ஸ் ஆகியோரை தக்கவைத்துள்ளது.
Dambulla அணி தில்ஷான் மதுஷங்க, நுவான் துஷார, துஷான் ஹேமந்த, பிரவீன் ஜயவிக்கிரம, முசுத்தாபிசூர் ரகுமான் மற்றும் இப்ராஹிம் சத்ரன் ஆகியோரை தக்கவைத்துள்ளது.
Galle அணி பானுக ராஜபக்ஷ, லசித் குருஸ்புள்ளே, நிரோஷன் டிக்வெல்ல, மஹீஷ் தீக்ஷன, டீம் சைபர்ட் மற்றும் எலெக்ஸ் ஹெல்ஸ் ஆகியோரை தக்கவைத்துள்ளது.
Jaffna Kings அணி குசல் மெண்டிஸ், அவிஸ்க பெர்ணான்டோ, சரித் அசலங்க, விஜயகாந்த் வியாஸ்காந்த், அமதுல்லா ஒமர்சாய் மற்;றும் நூர் அஹமட் ஆகியோரை தக்கவைத்துள்ளது.
B-Love Kandy அணி வனிந்து ஹசரங்க, ஏஞ்சலோ மெத்யூஸ், கமிந்து மெண்டிஸ், துஷ்மந்த சமீர, என்ரு ப்ளெச்சர் மற்றும் கயில் மெயர்ஸ் ஆகியோரை தக்கவைத்துள்ளமை குறிப்பிடத்தக்கது.
