இந்த ஆண்டு டிசம்பர் 1 முதல் லிதுவேனியாவில் தற்காலிக குடியிருப்பு அனுமதி பெறுவதற்கான விதிகளை கடுமையாக்குவதாக அந் நாட்டு உள்துறை அமைச்சு தெரிவித்துள்ளது.
இது குறித்து கருத்து தெரிவித்துள்ள லிதுவேனியாவின் உள்துறை அமைச்சர் அக்னெ பிலோடைட்,
தற்போதைய இடம்பெயர்வு போக்குகள் மற்றும் தேசிய பாதுகாப்பிற்கு ஏற்படக்கூடிய அச்சுறுத்தல்களுக்கு பதிலளிக்கும் வகையில் இந்த முடிவு எடுக்கப்பட்டுள்ளது.
இடம்பெயர்வு கொள்கையானது தேசிய பாதுகாப்பு நலன்கள், வெளியுறவுக் கொள்கை முன்னுரிமைகள், தொழிலாளர் சந்தை தேவைகள் மற்றும் லிதுவேனியாவின் நிறுவன திறன்களுக்கு ஏற்ப இருக்க வேண்டும்.
வெளிப்புற சேவை வழங்குநர் அலுவலகம் இல்லாத நாடுகளின் குடிமக்கள், குடும்ப மறு ஒருங்கிணைப்பு, மிகவும் திறமையான வேலை அல்லது பட்ட படிப்புகள் உட்பட அங்கீகரிக்கப்பட்ட திட்டங்களில் படிப்பதற்காக லிதுவேனியாவுக்கு வர திட்டமிட்டால், மற்றொரு நாட்டில் அமைந்துள்ள வெளிப்புற சேவை வழங்குநர் மூலம் தற்காலிக குடியிருப்பு அனுமதி விண்ணப்பங்களைச் சமர்ப்பிக்க முடியும் என்றார்.
இந்தியா, அவுஸ்திரேலியா, ஜப்பான், ஐக்கிய இராஜ்ஜியம், அமெரிக்கா, கனடா, நியூசிலாந்து மற்றும் தென் கொரியாவின் குடிமக்களுக்கு விண்ணப்ப விதிகள் மாறாமல் இருக்கும்.
லிதுவேனியா இந்த ஆண்டு 34 இல் இருந்து 30 வெளிப்புற சேவை வழங்குநர்களின் எண்ணிக்கையை குறைத்துள்ளது.
அதில் லெபனான், ஜோர்தான், இலங்கை மற்றும் நேபாளத்தில் சேவைகள் மூடப்பட்டன.
இது தொடர்பில் அறிக்கை ஒன்றினை வெளியிட்டுள்ள இலங்கையில் அமைந்துள்ள கெளரவ லிதுவேனியாவின் துணைத் தூதரகம்,
லிதுவேனியா விசா சேவை வழங்குநர்கள் மூலம் குடியிருப்பு அனுமதி விண்ணப்பங்களுக்கு கடுமையான நிபந்தனைகளை அமல்படுத்தும்.
தகுதியானது குடும்ப மறு ஒருங்கிணைப்பு, கல்வித் திட்டங்கள், அதிக திறன் வாய்ந்த வேலைவாய்ப்பு மற்றும் குறிப்பிட்ட முதலீட்டுப் பாத்திரங்களுக்கு மட்டுமே இவை பொருந்தும்.
உள்ளூர் விசா சேவை அலுவலகங்கள் மூடப்படுவதால், விண்ணப்பதாரர்கள் அண்டை நாடுகளுக்கு சென்று விண்ணப்பிக்க வேண்டும் என்று கெளரவ துணைத் தூதரகம் குறிப்பிட்டது.
