கலாசார நிதியத்திற்குச் சொந்தமான 26 தொல்பொருள் மதிப்புள்ள திட்டங்களை 18 வயதுக்குட்பட்ட சிறுவர்களுக்கு இலவசமாகப் பார்க்கும் வாய்ப்பை வழங்க அரசாங்கம் முடிவு செய்துள்ளது.
இதேவேளை, இதனுடன் தொடர்புடைய முன்மொழிவை மத்திய கலாசார நிதியத்தின் ஆளுநர் குழு அங்கீகரித்துள்ளதாகத் தெரிவிக்கப்படுகிறது.
உள்ளூர் சிறுவர்களிடையே கலாசார பாரம்பரியத்தின் மீதான மதிப்பை ஏற்படுத்துவதையும் தேசிய பாரம்பரியம் மற்றும் இடங்கள் குறித்த விழிப்புணர்வை வளர்ப்பதையும் நோக்கமாக கொண்டே இந்த திட்டம் மேற்கொள்ளப்படுவதாக புத்தசாசன, மத மற்றும் கலாசார அலுவல்கள் பிரதி அமைச்சர் கமகெதர திசாநாயக்க தெரிவித்தார்.
குறித்த திட்டத்தின் கீழ் சீகிரியா, யாபஹூவ, தம்புள்ளை உள்ளிட்ட மத்திய கலாசார நிதியத்திற்குச் சொந்தமான 26 தொல்பொருள் மதிப்புள்ள இடங்களை, நுழைவுச் சீட்டுகள் இல்லாமல் பார்வையிட சிறுவர்களுக்கு வாய்ப்பு கிடைக்கும்.
மேலும், இதற்கு இணையாக, வெளிநாட்டு சிறுவர்களுக்கு வரையறுக்கப்பட்ட நிபந்தனைகளின் கீழ் சம்பந்தப்பட்ட இடங்களுக்குள் நுழைவதற்கான அனுமதிகளை வழங்க முடிவு செய்யப்பட்டுள்ளதாக புத்தசாசன, மத மற்றும் கலாசார அலுவல்கள் பிரதி அமைச்சர் கமகெதர திசாநாயக்க தெரிவித்தார்.
