இலங்கையில் மூன்று தேசிய விளையாட்டு சங்கங்களின் பதிவை தற்காலிகமாக நிறுத்தி வைக்கும் அசாதாரண வர்த்தமானி வெளியிடப்பட்டுள்ளது.
அந்த வர்த்தமானியின்படி, 2025 ஆகஸ்ட் 25 முதல், தடகளம், மேசைப் பந்து மற்றும் ஜிம்னாஸ்டிக்ஸ் சங்கங்களின் பதிவையை இளைஞர் விவகாரங்கள் மற்றும் விளையாட்டு அமைச்சு இடைநிறுத்தியுள்ளது.
1973 ஆம் ஆண்டின் விளையாட்டுச் சட்டம் எண். 25 இன் பிரிவுகள் 32 மற்றும் 33 இன் கீழ், திருத்தப்பட்டபடி இந்த நடவடிக்கை எடுக்கப்பட்டது.
இடைநிறுத்தப்பட்ட மூன்று சங்கங்களின் நிர்வாகத்தை மேற்பார்வையிட இளைஞர் விவகாரங்கள் மற்றும் விளையாட்டு அமைச்சின் செயலாளர் தகுதிவாய்ந்த அதிகாரியாக நியமிக்கப்பட்டுள்ளதாக வர்த்தமானியில் மேலும் தெரிவிக்கப்பட்டுள்ளது.
அந்தந்த சங்கங்களின் திருத்தப்பட்ட அரசியலமைப்புகளின் கீழ் நடைபெறும் வருடாந்திர பொதுக் கூட்டங்களில் நிர்வாகிகள் முறையாகத் தேர்ந்தெடுக்கப்படும் வரை இந்த அதிகாரம் செல்லுபடியாகும்.
இந்த முடிவு, விளையாட்டுச் சட்டத்தின் விதிகளுக்கு இணங்குவதை உறுதி செய்வதை நோக்கமாகக் கொண்டுள்ளது.
இதில் அரசியலமைப்புச் சட்டங்களைத் திருத்துதல் மற்றும் இந்த தேசிய விளையாட்டு அமைப்புகளுக்குள் தேர்தல்களை முறையாக நடத்துதல் ஆகியவை அடங்கும்.
