இங்கிலாந்தில் புரோஸ்டேட் புற்றுநோய் பரிசோதனைத் திட்டத்தை செயல்படுத்தப்படுவது குறித்து தேசிய பரிசோதனைக் குழு (National Screening Committee) முக்கியமான மறுஆய்வு ஒன்றை மேற்கொண்டுவருகிறது.
இதேவேளை, வழக்கமான PSA பரிசோதனை, இறப்புகளை 13% குறைக்கக்கூடும் என்று சமீபத்திய ஆய்வுகள் காட்டுவதால், இத்திட்டத்திற்கு டேவிட் கேமரூன் (David Cameron) மற்றும் (Chris Hoy) கிறிஸ் ஹாய் போன்ற பிரபலங்களின் ஆதரவு அதிகரித்து வருகிறது.
கடந்த 2020 ஆம் ஆண்டில், இந்தக் குழு, பரிசோதனைகள் தேவையில்லாத அறுவை சிகிச்சைகள் அல்லது பக்க விளைவுகளை ஏற்படுத்தும் சிகிச்சைகளுக்கு வழிவகுக்கும் என்ற கவலைகள் காரணமாக இந்த திட்டத்தை நிராகரித்தது.
இருப்பினும், தற்போதுள்ள நடைமுறைகளில் MRI ஸ்கேன்களைப் பயன்படுத்துவது போன்ற முன்னேற்றங்கள், சிகிச்சைத் தேவையில்லாத ஆண்களுக்கு ஏற்படும் அபாயத்தைக் கணிசமாகக் குறைத்துள்ளன.
இதன் விளைவாக, செலவுகளையும் நன்மைகளையும் ஒப்பிட்டுப் பார்ப்பதன் அடிப்படையில், குழு ஒட்டுமொத்த ஆண்களுக்கும் பரிசோதனை செய்ய வேண்டுமா அல்லது அதிக ஆபத்துள்ள குழுக்களை மட்டும் இலக்காகக் கொள்ள வேண்டுமா என்று தீர்மானிக்க உள்ளது.
