ஸ்கொட்டிஷ் தொழிலாளர் கட்சியின் முன்னாள் தலைவரும், தற்போதைய ‘ஷெல்டர் ஸ்காட்லாந்து’ (Shelter Scotland) அமைப்பின் தலைவருமான கெசியா டக்டேல், LGBTQ+ உரிமைகளுக்காகப் போராடும் சர்வதேச அளவில் புகழ்பெற்ற ‘ஸ்டோன்வால்’ தொண்டு நிறுவனத்தின் தலைவராக நியமிக்கப்பட்டுள்ளார்.
எதிர்வரும் செப்டம்பர் மாதம் அவர் இந்தப் புதிய பொறுப்பை அதிகாரப்பூர்வமாக ஏற்கவுள்ளார்.
கடந்த 2017 முதல் 2019 வரை ஸ்கொட்டிஷ் தொழிலாளர் கட்சியை வழிநடத்திய டக்டேல், பொதுக் கொள்கை மற்றும் சட்டவாக்கத்தில் மிகுந்த அனுபவம் கொண்டவர்.
ஸ்டோன்வால் அமைப்பு தற்போது நிதி ரீதியாக ஒரு சவாலான காலப்பகுதியை எதிர்கொண்டு வருகிறது.
அண்மைய கணக்கறிக்கையின்படி, அந்த அமைப்பிற்குக் கிடைக்கும் நிறுவனங்களின் நன்கொடைகள் (Corporate Donations) கடந்த நிதியாண்டில் பாதியாகக் குறைந்துள்ளன.
அமெரிக்க அரசாங்கம் பன்முகத்தன்மை மற்றும் உள்ளடக்கிய (DEI) கொள்கைகளை ரத்து செய்ததன் பாதிப்பே இந்த நிதி வீழ்ச்சிக்குக் காரணமாகக் கருதப்படுகிறது.
