பிரித்தானியாவின் மிகப்பெரிய நீர் விநியோக நிறுவனமான ‘தேம்ஸ் வாட்டர்’ (Thames Water) நிறுவனத்தைக் கடன்காரர்களின் நிதி உதவியுடன் மீட்பதற்கான 10 பில்லியன் பவுண்டுகள் பெறுமதியான திட்டத்திற்கு அரசாங்கம் எதிர்ப்புத் தெரிவித்துள்ளது.
இதன் காரணமாக, இந்நிறுவனம் மீண்டும் தற்காலிகமாக அரசாங்கத்தின் நேரடிப் பொறுப்பின் கீழ் கொண்டுவரப்படும் சூழல் உருவாகியுள்ளது.
நிறுவனத்தின் கட்டுப்பாட்டைத் தங்களது கைகளில் எடுக்க முயலும் கடன் வழங்கும் நிறுவனங்களின் கூட்டமைப்பிடம் இருந்து, நுகர்வோருக்குச் சாதகமான மேலும் சில கடுமையான நிபந்தனைகளைப் பெற்றுக்கொள்ளப் பிரித்தானிய சுற்றுச்சூழல் துறைச் செயலாளர் எம்மா ரெனால்ட்ஸ் (Emma Reynolds) தீவிரமாக முயன்று வருகின்றமை குறிப்பிடத்தக்கது.
இதேவேளை, இந்த மீட்புத் திட்டத்தை அரசாங்கம் ஏன் எதிர்க்கிறது மற்றும் இதில் உள்ள பலவீனங்கள் என்ன என்பது குறித்த முழுமையான விளக்கங்களை, சுற்றுச்சூழல் துறைச் செயலாளர் எம்மா ரெனால்ட்ஸ் நாடாளுமன்ற உறுப்பினர்கள் மத்தியில் உத்தியோகபூர்வமாக விளக்கியுள்ளார்.
