கேன்சஸ் சிட்டி மைதானத்தில் அல்ஜீரியாவை வீழ்த்தி ஆர்ஜென்டினா தனது பட்டத்தை தக்கவைக்கும் பயணத்தைத் தொடங்கிய வேளையில், லியோனல் மெஸ்ஸி ஹெட்ரிக் கோல் அடித்து, ஃபிஃபா உலகக் கிண்ணத்தின் எல்லா காலத்திற்குமான கோல் அடிக்கும் சாதனையை சமன் செய்தார்.
உலக அரங்கில் மிரோஸ்லாவ் க்ளோஸின் 16 கோல்கள் என்ற சாதனையை விட மூன்று கோல்கள் பின்தங்கிய நிலையில் மெஸ்ஸி அன்றைய நாளைத் தொடங்கினார்.
அவர் தனது கோல் வேட்டையை 17 ஆவது நிமிடத்தில் பெனால்டி ஏரியாவின் விளிம்பிலிருந்து அடித்த கோல் மூலம் தொடங்கினார், அதைத் தொடர்ந்து 60-வது நிமிடத்தில் ஒரு கோலை அடித்தார், மேலும் 76 ஆவது நிமிடத்தில் வலையின் மூலைக்குள் துல்லியமாக அடித்த ஒரு ஷாட் மூலம் ஹெட்ரிக் நிறைவடைந்தது.
ஆட்டத்தின் நிறைவில் மெஸ்ஸி மொத்தம் 16 கோல்களை அடித்து, ஜெர்மனியின் மிரோஸ்லாவ் க்ளோஸ் வைத்திருந்த சாதனையை சமன்செய்து, இப்போட்டித் தொடரின் வரலாற்றில் அதிக கோல் அடித்த வீரர்களில் ஒருவரானார்.
குழு J-இன் தொடக்க ஆட்டத்தில் அர்ஜென்டினா தலைவர் மற்றுமொரு சிறப்பான ஆட்டத்தை வெளிப்படுத்தினார்.
இந்த மாத இறுதியில் 39 வயதை எட்டும் அவர், தனது நாட்டிற்காக 200-வது போட்டியில் விளையாடியதோடு, ஆறு உலகக் கிண்ணப் போட்டியிட்ட முதல் வீரர் என்ற பெருமையையும் பெற்றார்.
க்ளோஸின் சாதனையை தற்சயம் சமன் செய்துள்ள மெஸ்ஸி, ஜூன் 22 அன்று அர்ஜென்டினா அவுஸ்திரியாவை எதிர்கொள்ளும்போது அந்தச் சாதனையை முழுமையாகக் கைப்பற்றும் வாய்ப்பைப் பெறுவார்.
இதற்கிடையில், அல்ஜீரியா தனது அடுத்த குழு J போட்டியில் ஜோர்டானை எதிர்கொள்கிறது.
